რუმინეთში დემონსტრანტები პირველი მსოფლიო ომის დროს დაღუპულ უნგრელთა სასაფლაოზე შეიჭრნენ

რუმინეთში დემონსტრანტები პირველი მსოფლიო ომის დროს დაღუპულ უნგრელთა სასაფლაოზე შეიჭრნენ. მათ წინააღმდეგ კი, 1 000-ზე მეტმა უნგრელმა ცოცხალი ჯაჭვი შექმნა. ამის შესახებ ინფორმაციას „ევრონიუსი“ ავრცელებს.

აღსანიშნავია, რომ 1917 წელს აღნიშნული ტერიტორია ავსტრო-უნგრეთის იმპერიას ეკუთვნოდა და მთაზე გარდაცვლილი 749 უნგრელი ჯარისკაცი დაკრძალეს. მოგვიანებით კი, მე-2 მსოფლიო ომის დროს იმავე მთაზე 149 რუმინელი ჯარისკაცი დაკრძალეს, რის შედეგადაც აღნიშნული მთა რუმინელებსა და უნგრელებს შორის დავის საგანი გახდა. შეგახსენებთ, რომ უნგრელები რუმინეთში ყველაზე მრავალრიცხოვან ეთნიკურ უმცირესობას წარმოადგენენ.