დღეს დილიდან თითქმის ყველა უბანზე ძალიან სასაცილოდ აგრესიულად დაგვხვდნენ - ეტყობა, ჩვენი შეშინების დავალება ჰქონდათ, - აღნიშნული განცხადება პარტია “თავისუფალი დემოკრატების“ ლიდერმა ნინო გოგუაძემ საარჩევნო შტაბში გამართულ ბრიფინგზე გააკეთა.

“მინდა ვუთხრა, რომ მათი არავის ეშიანია! ასე თავიანთ ბოსებსა და პატრონებს ელაპარაკონ. მათი არ ეშიანია ჩვენს ამაყ თანამოქალაქეებს - ვერელებს, მთაწმინდელებს, ოქროყანელებს. ერთადერთი თხოვნა გვაქვს, თქვენ ასეთი ნათელი არჩევანი იშვიათად გქონიათ. არ დაგეზაროთ, უბანზე გამოდით და ხმა მიეცით თქვენი ღირსების, თავისუფლების და სამართლიანობის სასარგებლოდ. არავის მისცეთ უფლება, რომ თქვენი ნება მიიტაცონ და ამ ქვეყანაში უვადო უსამართლობა დაგვიკანონონ“, -განაცხადა ნინო გოგუაძემ.