ავღანეთის აღმოსავლეთში, ჰოსტის პროვინციაში სპეცოპერაციისას „ჰაქანის“ ტერორისტული ქსელის 12 მეთაური გაანადგურეს. ოპერაცია უშიშროების ეროვნული დირექტორატის სპეცრაზმმა ჩაატარა. აღნიშნულ ინფორმაციას „Tolo News“-ი ავრცელებს. მათივე ინფორმაციით, ქსელის კიდევ ერთი მებრძოლი დაჭრეს და სამი დააპატიმრეს. ოპერაციისას ამოიღეს დიდი რაოდენობით იარაღი და საბრძოლო მასალები.

„ჰაქანის ქსელი“ „თალიბანის“ სერიოზულ მოკავშირედ მიიჩნევა. ისინი აქტიურად მოქმედებენ ჰოსტის, პაკტიას და პაკტიკას პროვინციებში. 2012 წელს აშშ-მ ეს ქსელი ტერორისტული ორგანიზაციების სიაში შეიყვანა ავღანეთის სამთავრობო სტრუქტურებზე და ამერიკელ სამხედროებზე თავდასხმის შემდეგ.