პროკურორი უარყოფს ინფორმაციას, თითქოს იულია სუსლიაკს ბრალის აღიარების სანაცვლოდ საპროცესო შეთანხმების გაფორმება შესთავაზეს

არასრულწლოვნებით ვაჭრობასა და ტრეფიკინგში ბრალდებული იულია სუსლიაკის საქმის პროკურორი უარყოფს, რომ ბრალდებულს რაიმე გარიგება შესთავაზეს. როგორც პროკურორმა მარიამ გოგორელიანმა განმარტა, სიცრუეა ის ბრალდებები, რომელიც იულია სუსლიაკის მეუღლის, იური სუსლიაკის და მისი ოჯახის წევრების მხრიდან მოდის, თითქოს ბრალდებულს შესთავაზეს ბრალის აღიარების სანაცვლოდ საპროცესო შეთანხმების გაფორმება და გათავისუფლება.

„ეს არ შეესაბამება სიმართლეს და არის ტყუილი. პროკურატურიდან იური სუსლიაკს არავინ დაკავშირებია. არანაირ შეთავაზებას რაიმე გარიგებასთან დაკავშირებით იური სუსლიაკთან ან ბრალდებულ იულია სუსლიაკთან მიმართებაში ადგილი არ ჰქონია", - განაცხადა პროკურორმა.

მარიამ გოგორელიანმა ასევე უარყო კიდევ ერთი ბრალდება, რომელიც არასრულწლოვნებზე ზეწოლას ეხებოდა.

„ტყუილია, რომ რაიმე სახის ზეგავლენა ხდებოდა არასრულწლოვნებზე. პირიქით, ჩვენ ყველანაირად ვიზრუნეთ, რომ სათანადო გარემოში ყოფილიყვნენ მოთავსებულები, სადაც დაკმაყოფილებული იქნებოდა მათი ყველა სახის საჭიროება, ასევე იქ გაეწეოდათ შესაბამისი ფსიქოლოგიური დახმარება, რადგან მართლაც, სანამ ჩვენთან მოვიდოდნენ, საკმაოდ მძიმე მდგომარეობაში იყვნენ. მოხდა ორი არასრულწლოვანის გამოკითხვა და ვინაიდან იყვნენ უკრაინის მოქალაქეები, მოხდა შეთანხმება, უკრაინის სახელმწიფომ აიღო პასუხისმგებლობა და ბავშვები წაიყვანეს უკრაინაში", - განაცხადა გოგორელიანმა.

რაც შეეხება საქმეში არსებულ მტკიცებულებებს, როგორც პროკურორი ამბობს, გამოძიების ინტერესებიდან გამომდინარე, მას არ მიმაჩნია მიზანშეწონილად მტკიცებულებებზე და იმ საგამოძიებო მოქმედებებზე საუბარი, რომელსაც ბრალდების მხარე მომავალში ჩაატარებს.

სასამართლომ არასრულწლოვნებით ვაჭრობასა და ტრეფიკინგში ბრალდებული იულია სუსლიაკის მიმართ გამოყენებული აღკვეთის ღონისძიება - პატიმრობა ძალაში დატოვა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ