კორუფციის წინააღმდეგ ბრძოლის თემაზე სამართალდამცავებისა და სასამართლო კორპუსის წარმომადგენლებისთვის ერთობლივი ტრენინგი მიმდინარეობს

საქართველოს პროკურატურისა და ევროპის საბჭოს თანამშრომლობის ფარგლებში, კორუფციული საქმეების გამოძიებისა და სისხლისსამართლებრივი დევნის თემაზე ქართველი სამართალდამცავებისა და სასამართლო კორპუსის წარმომადგენლებისთვის ერთობლივი ტრენინგი მიმდინარეობს. სასწავლო კურსი საქართველოს გენერალური პროკურორის მოადგილემ გიორგი გოგაძემ და საქართველოში ევროპის საბჭოს ოფისის ხელმძღვანელმა კრისტიან ურსემ გახსნეს. ტრენინგის მიზანი მონაწილეთა კვალიფიკაციის ამაღლება, წარმატებული საერთაშორისო პრაქტიკის გაზიარება და ქვეყანაში ანტიკორუფციული მექანიზმების გაძლიერებაა.

როგორც „ინტერპრესნიუსს“ საქართველოს პროკურატურიდან აცნობეს, სასწავლო პროცესს ევროპის საბჭოს მიერ მოწვეული უცხოელი ექსპერტები უძღვებიან. 2-დღიანი პროგრამის ფარგლებში ძირითადად განხილული იქნება: საგამოძიებო ტექნიკა და სტრატეგია, კორუფციულ დანაშაულებთან დაკავშირებული ფარული საგამოძიებო მოქმედებების ჩატარება, სისხლისსამართლებრივი დევნის დაწყების საფუძვლები, მტკიცებულებების სტანდარტი და ერთობლიობა, მათი დასაშვებობა სასამართლო ეტაპზე, კორუფციის წინააღმდეგ ბრძოლის პრევენციული ღონისძიებები და საერთაშორისო თანამშრომლობა.

მათივე ინფორმაციით, ტრენინგში საქართველოს პროკურატურის წარმომადგენლებთან ერთად, სასამართლო კორპუსის, საქართველოს სახელმწიფო უსაფრთხოების სამსახურის ანტიკორუფციული სააგენტოს, საქართველოს ფინანსთა სამინისტროს საგამოძიებო სამსახურისა და საჯარო სამსახურის ბიუროს წარმომადგენლები მონაწილეობენ. ტრენინგი ევროკავშირისა და ევროპის საბჭოს ერთობლივი პროგრამის „პარტნიორობა კარგი მმართველობისათვის“ ფარგლებში არსებული პროექტის „კორუფციის, ფულის გათეთრების და ტერორიზმის დაფინანსების წინააღმდეგ ბრძოლისა და პრევენციის სისტემების გაუმჯობესება საქართველოში“ მხარდაჭერით მიმდინარეობს. ერთობლივი სწავლება მნიშვნელოვნად უწყობს ხელს საერთო გამოწვევებზე, აქტუალურ საკითხებზე მსჯელობასა და ერთობლივი მიდგომების ჩამოყალიბებას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს