დავით ზალკალიანი ვაშინგტონში სტრატეგიული პარტნიორობის ქარტიის კომისიის სხდომას თანათავმჯდომარეობას გაუწევს
საქართველოს საგარეო საქმეთა მინისტრი დავით ზალკალიანი 11 ივნისს, ვაშინგტონში, საქართველო-აშშ სტრატეგიული პარტნიორობის ქარტიის კომისიის მე-10 საიუბილეო პლენარულ სხდომას გაუწევს თანათავმჯდომარეობას, ევროპისა და ევრაზიის საკითხებში აშშ-ის სახელმწიფო მდივნის თანაშემწის მოვალეობის შემსრულებელ ფილიპ რიკერთან ერთად. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.
მათი ინფორმაციით, დავით ზალკალიანი დღესვე მონაწილეობას მიიღებს საქართველოს პრემიერ-მინისტრის, მამუკა ბახტაძისა და აშშ-ის სახელმწიფო მდივნის, მაიკ პომპეოს შეხვედრაში.
ამასთან, 12 ივნისს, დავით ზალკალიანი საქართველოს პრემიერ-მინისტრთან ერთად, აშშ-ის მშვიდობის ინსტიტუტში აშშ-საქართველოს სტრატეგიული პარტნიორობის მესამე წლიურ კონფერენციაში მიიღებს მონაწილეობას. ასევე, მინისტრი აშშ-ში საქართველოს პრემიერ-მინისტრის ვიზიტის ფარგლებში დაგეგმილ ორმხრივ შეხვედრებშიც მიიღებს მონაწილეობას.
v-if="article.gallery" v-html="article.gallery"
