პრეზიდენტი გაეროს ლტოლვილთა უმაღლეს კომისარს შეხვდა

საქართველოს პრეზიდენტმა ჟენევაში გაეროს ლტოლვილთა უმაღლეს კომისართან ფილიპო გრანდისთან შეხვედრაზე დევნილთა და ლტოლვილთა საკითხები განიხილა. შეხვედრაზე ისაუბრეს ასევე საქართველოს ოკუპირებულ ტერიტორიებთან დაკავშირებით. ფილიპო გრანდიმ მაღალი შეფასება მისცა იძულებით გადაადგილებულ პირთა საცხოვრებლით უზრუნველყოფის პროგრამას.

აღინიშნა, რომ თავშესაფრის მაძიებელთა საკითხი და მათი ინტეგრაცია საქართველოსათვის ახალი გამოწვევაა.საქართველოს პრეზიდენტმა იმედი გამოთქვა, რომ საერთაშორისო ორგანიზაციების მხარდაჭერით აღნიშნული საკითხი სათანადოდ გადაიჭრება.

,,მოხარული ვარ, პირველად ვუმასპინძლო საქართველოს პრეზიდენტს, აქ, გაეროს ლტოლვილთა უმაღლეს კომისარიატში. საქართველოსთან, სხვადასხვა მიმართულებით, ხანგრძლივი თანამშრომლობა გვაკავშირებს.

ვისაუბრეთ საქართველოში თავშესაფრის მაძიებელ ლტოლვილებზე, ასევე ჩვენს ხელმისაწვდომობაზე, რათა საქართველოსთან თანამშრომლობა გავაგრძელოთ და თავშესაფრების სისტემა გავაძლიეროთ. ვისაუბრეთ იძულებით გადაადგილებულ პირთა შესახებ, დადებითად შევაფასე პროგრამა, რომელიც იძულებით გადაადგილებულ პირების მხარდასაჭერად შეიქმნა. რასაკვირველია, ამ პრობლემის გადაწყვეტა, პოლიტიკური გადაწყვეტილებაა. ჩვენ ვართ ჰუმანიტარული ორგანიზაცია და ნებისმიერ დროს ხალხის სამსახურში ვართ.

და ბოლოს, შევეხეთ საქართველოს გლობალურ როლს, არსებობს შეთანხმება ლტოლვილების თაობაზე, რომელიც გაეროს მიერაა მხარდაჭერილი. წლის ბოლოს ჟენევაში ლტოლვილთა გლობალური ფორუმი-მინისტერიალი იგეგმება და მე მოვუწოდებ საქართველოს, რათა საერთაშორისო ასპარეზზე კვლავ მოთამაშედ დარჩეს”, - განაცხადა ფილიპო გრანდიმ.

აღნიშნულ ინფორმაციას საქართველოს პრეზიდენტის ადმინისტრაცია ავრცელებს.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!