ვლადიმერ კონსტანტინიდის განცხადებით, უკრაინაში ელჩად დაინიშნება კარიერული დიპლომატი, სოლიდური გამოცდილები

უკრაინაში ელჩად დაინიშნება კარიერული დიპლომატი, სოლიდური გამოცდილებით, - ამის შესახებ "ინტერპრესნიუსს" საგარეო საქმეთა სამინისტროს წარმომადგენელმა ვლადიმერ კონსტანტინიდმა განუცხადა და იქვე დასძინა, რომ მისი წარდგენა უახლოეს დღეებში მოხდება.

მისივე განმარტებით, უკრაინაში საქართველოს ელჩის პოზიციაზე გელა დუმბაძის ჩანაცვლება "ეს არის ჩვეულებრივი საროტაციო პრაქტიკა, საერთაშორისო ნორმებით“.

„გელა დუმბაძე გააგრძელებს მუშაობას სამინისტროს ცენტრალურ აპარატში მაღალ პოზიციაზე. ის იქნება საგანგებო დავალებათა ელჩი და ერთ-ერთ პრიორიტეტულ მნიშვნელოვან მიმართულებას გაუძღვება, რაც შეეხება შემცვლელს, ის არის კარიერული დიპლომატი სოლიდური გამოცდილებით, მის შესახებ მოგვიანებით გავაკეთებთ განცხადებს", - განაცხადა კონსტანტინიდმა.