დავით ზალკალიანი - მოხარული ვარ ევროკავშირის უმაღლეს წარმომადგენლად ჟოზეფ ბორელის შერჩევის გამო - ის ჩვენი ევროპული არჩევანის მხარდამჭერია

მოხარული ვარ საგარეო ურთიერთობათა და უსაფრთხოების საკითხებში ევროკავშირის უმაღლესი წარმომადგენლის თანამდებობაზე ჟოზეფ ბორელის შერჩევის გამო, ის არის ჩვენი ევროპული არჩევანის და მისწრაფებების მხარდამჭერი,- ასე ეხმაურება საგარეო საქმეთა მინისტრი დავით ზალკალიანი ევროკავშირის უმაღლესი წარმომადგენლის თანამდებობაზე ჟოზეფ ბორელის არჩევას.

მინისტრის თქმით, ჟოზეფ ბორელის მსგავსი ფასეულობების, გლობალურ საკითხებზე შეხედულებებისა და დიდი დიპლომატიური გამოცდილების მქონე პოლიტიკოსი მნიშვნელოვან წვლილს შეიტანს ევროკავშირის უმთავრესი მიზნების და ამოცანების განხორციელებაში

„მოხარული ვარ საგარეო ურთიერთობათა და უსაფრთხოების საკითხებში ევროკავშირის უმაღლესი წარმომადგენლის თანამდებობაზე საქართველოს მეგობრის და ჩემი კოლეგის ჟოზეფ ბორელის შერჩევის გამო. ესპანეთის საგარეო საქმეთა მინისტრად მოღვაწეობის პერიოდში ჩვენ ხშირად გვქონია შეხვედრის და აზრთა გაცვლის შესაძლებლობა. მისი ფასეულობების, გლობალურ საკითხებზე შეხედულებებისა და დიდი დიპლომატიური გამოცდილების მქონე პოლიტიკოსი მნიშვნელოვან წვლილს შეიტანს ევროკავშირის უმთავრესი მიზნების და ამოცანების განხორციელებაში, რაც უკავშირდება ევროპის კონტინენტზე და მსოფლიოში მშვიდობას, კეთილდღეობას და განვითარებას. საქართველო ბოლო პერიოდის განმავლობაში საგრძნობლად დაუახლოვდა ევროკავშირს, ბატონი ბორელი არის ჩვენი ევროპული არჩევანის და მისწრაფებების მხარდამჭერი და მე დარწმუნებული ვარ, რომ უმაღლესი წარმომადგენლის პოზიციაზე მისი მოღვაწეობის პერიოდში, ერთობლივი ძალისხმევით, კიდევ უფრო დიდ წარმატებას მივაღწევთ ევროკავშირში ინტეგრაციისა და საქართველოს ტერიტორიული მთლიანობის აღდგენის გზაზე“,- განაცხადა ზალკალიანმა.

ინფორმაციას საგარეო საქმეთა სამინისტრო ავრცელებს.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს