დიდი ბრიტანეთის ელჩმა აშშ-ში დონალდ ტრამპის ადმინისტრაციას არაკომპეტენტური და არამტკიცე უწოდა. როგორც „ბიბისი“ წერს, შესაბამისი შინაარსის ელექტრონული წერილები, რომელიც 2017 წლიდან დღემდე პერიოდს მოიცავს, „დეილი მეილმა“ გაასაჯაროვა.
ელჩი კიმ დაროქი წერს, რომ თეთრი სახლი არაფუნქციურია და დონალდ ტრამპის პრეზიდენტობის პერიოდში ორადაა გაყოფილი. ამასთან, ბრიტანელი დიპლომატი ამბობს, რომ აშშ-ის პოლიტიკა ირანთან მიმართებით ქაოტური და არათანმიმდევრულია.
ბრიტანეთის საგარეო უწყებაში განაცხადეს, რომ წერილების გავრცელება უტიფარი საქციელია, თუმცა, სამინისტროში არ უარყვიათ წერილების შინაარსი. აღნიშნულს თეთრ სახლში ჯერ არ გამოხმაურებიან.