პარლამენტთან მიმდინარე საპროტესტო აქცია დასრულდა. აქციაზე შეკრებილმა მოქალაქეებმა კიდევ ერთხელ მოუწოდეს შს მინისტრს გიორგი გახარიას, რომ თანამდებობა დატოვოს.

აქციის ორგანიზატორების განცხადებით, 14 ივლისს, დღის განმავლობაში პარლამენტთან გაიმართება ე.წ. ფლი-მარკეტი,სადაც სხვადასხვა ტიპის ნივთები გაიყიდება. ამის შემდეგ კი საპროტესტო აქცია პარლამენტის შენობის წინ, 19:00 საათზე განახლდება.

შეგახსენებთ, 20 ივნისიდან პარლამენტის შენობასთან შს მინისტრ გიორგი გახარიას გადადგომის მოთხოვნით აქცია იმართება.