თამარ ხულორდავა ჩეხეთის რესპუბლიკის ელჩს შეხვდა

პარლამენტის ევროპასთან ინტეგრაციის კომიტეტის თავმჯდომარემ თამარ ხულორდავამ ჩეხეთის რესპუბლიკის ახალ ელჩთან საქართველოში პეტრ მიკისკასთან გაცნობითი ხასიათის შეხვედრა გამართა.

როგორც „ინტერპრესნიუსს“ პარლამენტის პრესსამსახურიდან აცნობეს, მხარეებმა შეხვედრაზე ძირითადი ყურადღება ორ ქვეყანას შორის არსებულ კავშირებზე და სამომავლო თანამშრომლობის პერსპექტივაზე გაამახვილეს. საუბარი ამასთანავე დაეთმო საქართველოს ევროპული ინტეგრაციის საკითხებს, ევროპულ მისწრაფებებს, რაშიც ჩვენს ქვეყანას ჩეხეთის რესპუბლიკის მხრიდან სრული მხარდაჭერა აქვს.

„ვისაუბრეთ ასევე პარლამენტის როლზე, ევროპასთან ინტეგრაციის კომიტეტის საქმიანობაზე, ევროინტეგრაციის პროცესში ჩეხური გამოცდილების გაზიარების მნიშვნელობაზე. ჩვენი მხრიდან განსაკუთრებული აქცენტები გავაკეთეთ ევროკავშირთან ურთიერთობის შედეგად, ღრმა და ყოვლისმომცველი თავისუფალი სავაჭრო სივრცის უკეთ ათვისების, ამ პოტენციალის უკეთ გამოყენების შესაძლებლობებზე,“ - განაცხადა თამარ ხულორდავამ შეხვედრის შემდეგ.

მისივე თქმით, შეხვედრაზე საქართველოსა და ჩეხეთს შორის ეკონომიკური თანამშრომლობის გაღრმავების თაობაზეც ისაუბრეს.

„რამდენიმე ჩეხური კომპანია უკვე საქმიანობს საქართველოში, მაგრამ რა თქმა უნდა, ჩვენი სურვილია, რომ ეკონომიკური თანამშრომლობა ჩეხეთსა და საქართველოს შორის კიდევ უფრო გავზარდოთ, უფრო მეტი ინვესტიცია მოვიზიდოთ. როგორც ელჩმა ხაზგასმით აღნიშნა, ამისათვის საქართველოში ძალიან კარგი სამართლებრივი გარემო და პირობები არის შექმნილი. ის მოწოდებულია, რომ ჩვენთან ჰქონდეს ძალიან აქტიური და მჭიდრო თანამშრომლობა. გამოიკვეთა კონკრეტული საკითხებიც, რომლებზეც აუცილებლად გავაგრძელებთ თანამშრომლობას მომავალში,“ - განაცხადა თამარ ხულორდავამ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)