„რუსთავი 2“-ის ადვოკატი - სახელმწიფოს გუშინდელმა მოქმედებამ საერთოდ აზრი დაუკარგა დიდი პალატის მიერ მომავალში მისაღებ გადაწყვეტილებას

ტელეკომპანია "რუსთავი 2"-ის ადვოკატის, დიტო საძაგლიშვილის განცხადებით, სახელმწიფოს გუშინდელმა მოქმედებამ საერთოდ აზრი დაუკარგა დიდი პალატის მიერ მომავალში მისაღებ გადაწყვეტილებას.

როგორც საძაგლიშვილმა ჟურნალისტებს განუცხადა, გასაჩივრებასთან დაკავშირებით გადაწყვეტილებას ტელეკომპანიის ყოფილი დამფუძნებლები მიიღებენ.

"მას შემდეგ, რაც სახელმწიფომ გუშინ შესაშური სისწრაფით დაარეგისტრირა ქიბარ ხალვაშის მიერ წილებზე საკუთრების უფლება და პლუს შეიცვალა გენერალური დირექტორი, ამან ფაქტობრივად, აზრი გამოაცალა დიდ პალატაში გასაჩივრებას და მომავალში ამ გადაწყვეტილების აღსრულებას. ეს არ ნიშნავს იმას, რომ გადაწყვეტილება არ უნდა გასაჩივრდეს. ეს არის ყოფილი დამფუძნებლების გადაწყვეტილება და ალბათ, გაასაჩივრებენ ამას დიდ პალატაში. რაც შეეხება შედეგის თვალსაზრისით, ვინაიდან ეს გარკვეულ დროს საჭიროებს, დიდ პალატის გადაწყვეტილების დროს რა მდგომარეობა იქნება "რუსთავი 2"-ში და საერთოდ იარსებებს თუ არა ეს კომპანია, ჩემთვის ამ მომენტში გაურკვეველია. შესაბამისად, ვფიქრობ, რომ შესაძლოა, სახელმწიფოს გუშინდელმა მოქმედებამ საერთოდ აზრი დაუკარგა დიდი პალატის მომავალში მისაღებ გადაწყვეტილებას", - განაცხადა საძაგლიშვილმა.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის