პარლამენტთან აქცია დასრულდა. როგორც აქციის ორგანიზატორმა, შოთა დიღმელაშვილმა აქციის მონაწილეებს მიმართა, აქცია 20 ივლისს, 19:00 საათზე განახლდება.
მისი თქმით, ხვალ ერთი თვე ხდება, რაც პარლამენტთან აქცია მიმდინარეობს და შეკრებილებს მოუწოდა, აქციაზე მეგობრებთან ერთად მივიდნენ, რათა ერთად იზეიმონ ის გამარჯვებები, რაც მოიპოვეს და რაც ჯერ კიდევ მოსაპოვებელი აქვთ.
"19:00 საათზე დავიწყებთ შეკრებას. თქვენს მეგობრებს უთხარით, რომ მობრძანდნენ და ერთად აღვნიშნოთ. გამარჯვებები უკვე გვაქვს, ჩვენ მოვიპოვეთ პროპორციული არჩევნები. აღვნიშნოთ ეს გამარჯვება და მოვიპოვოთ შემდეგი გამარჯვებებიც", - მიმართა დიღმელაშვილმა აქტივისტებს.