პაატა სალია მიიჩნევს, რომ ჯარჯი აქიმიძე,  დავით დვალი და ქიბარ ხალვაში „რუსთავი 2“-ის წილებთან დაკავშირებით  მოლაპარაკებას შეძლებენ

„რუსთავი2“-ის ახალი გენერალური დირექტორი პაატა სალია მიიჩნევს, რომ ჯარჯი აქიმიძე, დავით დვალი და ქიბარ ხალვაში ტელეკომპანიის წილებთან დაკავშირებით მოლაპარაკებას შეძლებენ.

„ყველასთვის ცნობილია ქიბარ ხალვაშის განცხადება, რომელიც მან 18 ივლისს გააკეთა და ამ განცხადებაში მან მოიხსენია ჯარჯი აქიმიძე და დავით დვალი. მათაც მიულოცა ეს გამარჯვება და თქვა, რომ მათთან ერთად ეცდება შემდგომ ამ კომპანიის მომავალი დაინახოს. შემდგომ როგორ განხორციელდება, რამდენი წილი იქნება, ეს არის მათი გადასაწყვეტი და მე ვფიქრობ ისინი ერთმანეთში აუცილებლად გაერკვევიან და მოილაპარაკებენ“,-აცხადებს პაატა სალია.