ირაკლი ოქრუაშვილის მოთხოვნაზე, რომელიც „რუსთავი 2“-ში ქიბარ ხალვაშის წილების დაყადაღებას ეხება, სასამართლო გადაწყვეტილებას დღეს მიიღებს
თავდაცვის ყოფილი მინისტრის ირაკლი ოქრუაშვილის მოთხოვნაზე, რომელიც შპს „პანორამას“ და „რუსთავი 2“-ის ქონებაში ქიბარ ხალვაშის წილების დაყადაღებას ეხება, სასამართლო განჩინებას დღეს მიიღებს.
აღნიშნულის შესახებ „ინტერპრესნიუსს“ ოქრუაშვილის ადვოკატმა, გიორგი ზედელაშვილმა განუცხადა.
შპს „პანორამას“ და ქიბარ ხალვაშის წილების დაყადაღებასთან დაკავშირებით, სასამართლოს ირაკლი ოქრუაშვილის ადვოკატმა რამდენიმე დღის წინ მიმართა.
როგორც ადვოკატი განმარტავს, ქიბარ ხალვაშსა და ირაკლი ოქრუაშვილს შორის, 2010 წელს გაფორმებული შეთანხმების მიხედვით, ქიბარ ხალვაში „რუსთავი 2“-ის მხოლოდ ფორმალური მმართველი იყო. ზედელაშვილის განმარტებითვე, ეს ექსპერტიზის სამმა დასკვნამაც დაადასტურა.
