იუსტიციის უმაღლეს საბჭოში 25 ივლისს უზენაესი სასამართლოს მოსამართლეობის კიდევ 3 კანდიდატი გაივლის გასაუბრებას. ესენი არიან: გოგიტა თოთოსაშვილი, ალექსანდრე იაშვილი და ვლადიმერ კაკაბაძე. გასაუბრების პროცესი 10:00 საათზე დაიწყება.

24 ივლისს იუსტიციის უმაღლეს საბჭოში უზენაესი სასამართლოს მოსამართლეობის კანდიდატს გაესაუბრნენ. ესენი არიან: ლევან თევზაძე, ილონა თიდუა და უჩა თოდუა.

იუსტიციის უმაღლეს საბჭოში უზენაესი სასამართლოს მოსამართლეობის კანდიდატებთან გასაუბრება 17 ოვლისს დაიწყო და საბჭო 50 კანდიდატიდან უკვე 18-ს გაესაუბრა.

შეგახსენებთ, იუსტიციის უმაღლესმა საბჭომ უზენაესი სასამართლოს მოსამართლეობის 137 კაციანი სიიდან ე.წ. გრძელი სია შეადგინა, რომელიც 50 კანდიდატისგან შედგება. უზენაესი სასამართლოს მოსამართლეობისთვის ფარული კენჭისყრის შედეგად 50 კანდიდატიდან 20 შეირჩევა. იუსტიციის უმაღლესი საბჭოდან პარლამენტს განსახილველად სწორედ ეს 20 კაციანი სია გადაეგზავნება.