ესპანეთში მთავრობის შექმნა კვლავ ვერ მოხერხდა

სოციალისტების ლიდერმა პედრო სანჩესმა მთავრობის შესაქმნელად საჭირო ხმები პარლამენტში კვლავ ვერ მოაგროვა. მეორე ცდაზეც მას მხარი მხოლოდ საკუთარი პარტიის წევრებმა და კიდევ ერთმა დეპუტატმა დაუჭირეს. 124 მომხრე იყო, 155 წინააღმდეგი, 67-მა თავი შეიკავა.

პირველი კენჭისყრის ჩავარდნის შემდეგ სოციალისტებმა სცადეს კოალიციის შექმნა მემარცხენე „პოდემოს“-თან. მაგრამ ამ უკანასკნელებმა მოითხოვეს ვიცე-პრემიერისა და 5 მინისტრის პორტფელები. ეს სოციალისტებისთვის მიუღებელი აღმოჩნდა.

„მათ ყველაფრის წაღება უნდოდათ“, - განაცხადა სოციალისტმა ვიცე-პრემიერმა კარმენ კალვომ. „პოდემოსის“ ლიდერი პაბლო იგლესიასი მოლაპარაკებების ჩავარდნას სოციალისტებს აბრალებს.

ახლა პარლამენტში გასულ პარტიებს კოალიციური მთავრობის შესაქმნელად მოლაპარაკებების საწარმოებლად ორი თვე აქვთ. თუ შეთანხმებას ვერ მიაღწევენ, ვადამდელი არჩევნები დაინიშნება.

არჩევნები ესპანეთში 28 აპრილს ჩატარდა. მოქმედი პრემიერის, პედრო სანჩესის სოციალისტური პარტია პირველ ადგილზე გავიდა და 123 მანდატი მოიპოვა, მაგრამ ეს მთავრობის ჩამოსაყალიბებლად 350 ადგილიან პარლამენტში საკმარისი არ არის. სანჩესი ინერციით აგრძელებს მოვალეობების შესრულებას.

ამ ინფორმაციას „ევრონიუსი“ ავრცელებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა