დათო დვალი და ჯარჯი არიან კარგი პიროვნებები, აბსოლუტურად კონსტრუქციულები, ნებისმიერ დროს მათთან შეხვედრა არავითარ სიმძიმეს არ წარმოადგენს, ამიტომ შეხვედრები გაგრძელდება, - ამის შესახებ ჟურნალისტებს „რუსთავი 2“-ის ახალმა მფლობელმა, ქიბარ ხალვაშმა ჟურნალისტებს დავით დვალთან და ჯარჯი აქიმიძესთან შეხვედრის შემდეგ განუცხადა.
როგორც ხალვაშმა აღნიშნა, მის შეთავაზებას აქიმიძე და დვალი არ დათანხმდნენ.
„მათი პასუხი იყო, რომ ჩვენ ამ შეთავაზებას არ ვიღებთ და თუ რამე სხვა გექნება, კონკრეტული შემოთავაზება, მოვიფიქრებთ და გეტყვითო. ერთ რამეს გეტყვით, დათო დვალი და ჯარჯი არიან კარგი პიროვნებები, აბსოლუტურად კონსტრუქციულები, ნებისმიერ დროს მათთან შეხვედრა არავითარ სიმძიმეს არ წარმოადგენს, ამიტომ შეხვედრები გაგრძელდება, შეიძლება ბევრჯერ შევხვდეთ.
„რუსთავი 2“-ის გენერალური დირექტორი, 50%-იც რომ შევთავაზო, მაინც სალია იქნება. მედია მენეჯერზე ვმუშაობთ, მე მინდა ისეთი მედიამენეჯერი იყოს, რომ თქვენ პრეტენზია არ გქონდეთ“, - მიმართა ხალვაშმა ჟურნალისტებს.