პაატა სალია - ნიკა გვარამიამ „კურიერის“ საარქივო მასალა მინიმალურ ფასად მიჰყიდა „ინტერმედიას“, რომლის ერთ-ერთი მეწილე კეზერაშვილის ტელევიზიის დირექტორად მოიაზრება

„კურიერის“ უნიკალური საარქივო მასალა, სხვა კომპანიას გადაეცა, - ამის შესახებ ცოტა ხნის წინ გამართულ პრესკონფერენციაზე, არხის გენერალურმა დირექტორმა პაატა სალიამ განაცხადა.

პაატა სალიას განცხადებით, აღნიშნული გადაწყვეტილება ნიკა გვარამიამ სტრასბურგის სასამართლოს გადაწყვეტილებამდე ექვსი დღით ადრე მიიღო. პაატა სალიას თქმით, კომპანიის საინფორმაციო სამსახურის საარქივო მასალა „ინტერმედიას“ მინიმალურ თანხად გადაეცა, ხოლო თავად „ინტერმედიას“ ერთ-ერთი მეწილე ახალი ტელევიზიის დირექტორად მოიაზრება, რომლის გახსნასაც თავდაცვის ყოფილი მინისტრი, დავით კეზარაშვილი აანონსებს.

პაატა სალიას განცხადებით, საარქივო მასალა 1994 წლიდან-2019 წლამდე არსებულ კადრებს მოიცავდა. „რუსთავი2“-ის გენერალური დირექტორი ვარაუდობს, რომ აღნიშნულ ქმედებაში ნიკა გვარამიას ინტერესები იკვეთება.

„სტრასბურგის სასამართლოს გადაწყვეტილებამდე ექვსი დღით ადრე, მინიმალურ ფასად მოხდა უნიკალური საარქივო მასალის გაქვითვა. მასალის, რომელიც არის და იყო „კურიერის“ საკუთრება. დღეს ამ მასალაზე უფლება აქვს სხვა კომპანიას, საუბარია „ინტერმედიაზე“, რომლის მეწილეც მოიაზრება ახალი ტელევიზიის გენერალურ დირექტორად. საინტერესოა, რატომ დადო ამგვარი ხელშეკრულება კომპანიის გენერალურმა დირექტორმა, როდესაც ფაქტობრივად გადასცა ერთ-ერთი მნიშვნელოვანი აქტივი მესამე პირს. სავარაუდოდ, მისი {ნიკა გვარამია} ინტერესები იკვეთება“, - განაცხადა პაატა სალიამ.

შეგახსენებთ, რომ, არსებული ინფორმაციით, თავდაცვის ყოფილი მინისტრის, დავით კეზერაშვილის მიერ დაანონსებული ახალი ტელევიზიის დირექტორად, ფორმულა "კრეატივის" დამფუძნებელი მიშა მშვილდაძე მოიაზრება.

იხილეთ ვიდეო: პაატა სალია - გვარამიამ "კურიერის" საარქივო მასალა მინიმალურ ფასად მიჰყიდა "ინტერმედიას", გვარამიას სასამართლოში ვუჩივლებთ

უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
ქართული პრესის მიმოხილვა 24.06.2022
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა