მიხეილ კალანდიას საქმეზე დღეს ხორავას ქუჩის ის მცხოვრებლები დაიკითხებიან, რომლებიც მოზარდებს შორის დაპირისპირებას და მკვლელობას შეესწრნენ

ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით დაკავებული მიხეილ კალანდიას ადვოკატის, ანა კოტეტიშვილის განცხადებით, დღევანდელ სასამართლო სხდომაზე იმ მოწმეების გამოკითხვა მოხდება, რომლებიც ხორავას ქუჩაზე ცხოვრობენ და მკვლელობას შეესწრნენ.

როგორც ანა კოტეტიშვილმა თბილისის საქალაქო სასამართლოში ჟურნალისტებს განუცხადა, დაცვის მხარე დღეს შუამდგომლობას დააყენებს, სხდომა საჯარო გახდეს.

"დღევანდელ სხდომაზე იქნებიან წარმოდგენილი მოწმეები, რომლებიც უშუალოდ ხორავას ქუჩაზე ცხოვრობენ და შეესწრნენ მომხდარ ფაქტს. დაცვის მხარის შუამდგომლობა იგივე იქნება, კერძოდ, სხდომის საჯაროობასთან დაკავშირებით. ჩვენთვის ცნობილი ინფორმაციით, სრულწლოვანი მოწმეები იკითხებიან, შესაბამისად, დაცვის მხარე კიდევ ერთხელ დააყენებს შუამდგომლობას სასამართლო სხდომის გახსნასთან დაკავშირებით.

წინა სასამართლო სხდომაზე სასამართლოს პოზიცია აბსოლუტურად დასაბუთებული იყო, რადგან ბრალდების მხარემ მისი შესავალი სიტყვა წარადგინა დახურულ სასამართლო სხდომაზე და შესაბამისად, მიიჩნია, რომ დაცვის მხარის შესავალი სიტყვაც დახურულ სხდომაზე უნდა ყოფილიყო წარდგენილი. რადგან ჩვენ კონკრეტულ მტკიცებულებებზე მითითება მოვახდინეთ შესავალ სიტყვაში და არასრულწლოვნების სახელების და გვარების წარმოთქმა, შესაბამისად, სასამართლომ მიიჩნია, რომ სხდომა დახურული უნდა ყოფილიყო. მოსამართლემ განგვიმარტა, რომ თუ მოხდებოდა სრულწლოვანი მოწმეების დაკითხვა, სასამართლო იმსჯელებს სხდომის საჯაროობასთან დაკავშირებით, ამიტომ მოლოდინი გვაქვს, რომ სასამართლო სხდომას გახსნის",- განაცხადა კოტეტიშვილმა.

მიხეილ კალანდია ხორავას ქუჩაზე დავით სარალიძის დამამძიმებელ გარემოებებში ჩადენილი მკვლელობის ბრალდებით სამართალდამცავებმა 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.

იხილეთ ვიდეო

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)