დავით მესხიშვილი - ტექინსპექტირების სფეროში იზრდება კორუფციის ნიშნები, რაც ძალიან საშიშია და პირველ რიგში, ავტომფლობელები დაზარალდებიან

ტექინსპექტირების რეფორმა გარკვეული პრობლემებით მიმდინარეობს და ამ პრობლემებს გადაჭრა ესაჭიროება, - ამის შესახებ საქართველოს ავტომობილების ინსპექტირების ცენტრების პრეზიდენტმა დავით მესხიშვილმა ჟურნალისტებს სასტუმრო "მუზეუმში" ღონისძიებაზე განუცხადა, სადაც ავტომობილების ტექინსპექტორების რეფორმის შეფასება მიმდინარეობს.

დავით მესხიშვილის თქმით, დღევანდელ ვითარებაში სფეროში კორუფციის ნიშნები იზრდება.

"ტექინსპექტირების რეფორმა გარკვეული პრობლემებით მიმდინარეობს და ამ პრობლემებს გადაჭრა ესაჭიროება.პირველ რიგში, ეს გახლავთ ინსპექტირებისას არაერთგვაროვანი მიდგომა. ანუ, ერთ კონკრეტულ ცენტრში ავტომობილი ხარვეზდება, ხოლო ნახევარ საათში ისე, რომ ხარვეზს არ ასწორებს, მეორე ცენტრში გადის დათვალიერებას. გარდა ამისა, არის პროგრამებთან, ბაზასთან დაკავიშირებით პრობლემები. დღემდე ვერ ხდება ინფორმაციის გადამუშავება ელექტრონული ბაზიდან იმისთვის, რომ ჩვენ სწორად დავგეგმოთ სამომავლო გეგმები. ასეთ ვითარებაში იზრდება კორუფციის ნიშნები ამ სფეროში, რაც ძალიან საშიშია და პირველ რიგში, ავტომფლობელები დაზარალდებიან. დაზარალდებიან ამ ბიზნესში ჩართული კომპანიებიც", - განაცხადა დავით მესხიშვილმა.

მისი თქმით, სწორედ აღნიშნულიდან გამომდინარე, ორგანიზაციამ მიიღო გადაწყვეტილება,რომ გაწევრიანებულიყო მსოფლიოში ავტორიტეტულ ორგანიზაციაში CITA ,რომელიც ინსპექტირების სფეროში საქმიანობს.

"ვაპირებთ, მათთან ერთობლივად შევიმუშაოთ შესაბამისი რეკომენდაციები შესაბამისი სტრუქტურებისთვის. დღეს ჩვენ უკვე საერთაშორისო სტატუსი გვაქვს, ჩვენს რეკომენდაციებს უკვე აქვს სხვა ძალა და თუ გვინდა ევროინტეგრაცია, ევროდირექტივების დანერგვა, მდგომარეობის გაუმჯობესება,სატრანსპორტო შემთხვევების შემცირება ,ჰაერის გაჯანსაღება, ამისთვის უნდა შევასრულოთ არაერთი რეკომენდაცია და ამისთვის არსებობს ეს საერთაშორისო ორგანიზაცია",-აცხადებს მესხიშვილი.

დავით მესხიშვილის თქმით, ყველაზე სერიოზული პრობლემები, რაც ინსპექტირების სფეროში გაჩნდა, უკავშირდება არაერთგვაროვან მიდგომას, მენეჯმენტში პრობლემებს, და აკრედიტაციის მიმართულებით არსებული ხარვეზებს. მისივე თქმით, მიუხედავად იმისა, რომ აღნიშნულ პრობლემებზე ყურადღება არაერთხელ გამახვილდა შესაბამის სტრუქტურებთან, ჯერჯერობით გადაწყვეტილებები არ ჩანს.

"ჩვენ ვთანამშრომლობთ სახელმწიფო სტრუქტურებთან, მაგრამ პრობლემის არგადაჭრა იწვევს კიდევ სხვა პრობლემებს და საბოლოოდ შეიძლება მთელი ეს რეფორმა,რომელიც არის ძალიან მნიშვნელოვანი, დავაყენოთ რისკის ქვეშ. არ გვინდა, რომ ეს სფერო დაუბრუნდეს ძველ დროს",-აცხადებს მესხიშვილი.

ტენიკური ინსპექტირების ცენტრების ასოციაციის პრეზიდენტის თქმით, ასოციაცია გეგმავს,რომ ნოემბერში საერთაშორისო ორგანიზაცია CiTA-ს წარმომადგენლები მოიწვიონ საქართველოში, რათა ისინი ადგილზე გაეცნონ არსებულ ვითარებას და შესაბამისი რეკომენდაციები შეიმუშაონ. მესხიშვილის განმარტებით, წინააღმდეგ შემთხვევაში, რეფორმას "ჩრდილი მიადგება". ავტომობილების ინსპექტირების ცენტრების ასოციაციის პრეზიდენტის განცხადებით, მათ მიერ აღმოჩენილი პრობლემები CiTA-ს საერთაშორისო კომიტეტს გადაეგზავნება, რის შემდეგაც, საბოლოოდ, კომიტეტის მიერ შემუშავებული რეკომენდაციები შესაბამის უწყებებს გადაეგზავნება. მისივე თქმით, თუ სახელმწიფოს სურს,რომ რეფორმა წარმატებული იყოს, რეკომენდაციები უნდა შეასრულოს.

იხილეთ ვიდეო

ამირან სალუქვაძე - რაც ახლა ხდება, ეს არა პოლიტიკური კრიზისი, არამედ პოლიტიკურ ოპონენტთა შორის თანაცხოვრების კრიზისია
ქართული პრესის მიმოხილვა 22.11.2019
მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
თეგეტა მოტორსის სპეციალური შეთავაზება ზამთრის საბურავებზე
სადაზღვევო კომპანია პრაიმში მასშტაბურმა აქცია დაიწყო!
სპეციალური პირობები სამშენებლო კომპანიებისთვის SAP Business One-ის დანერგვაზე BDO-სგან
26 ახალი და გემრიელი შესაძლებლობა - საბვეიში განახლებული მენიუა (R)