„კურიერი“ ეთერში არც 12:00 საათზე გავიდა

„კურიერი“ 12:00 საათზე ეთერში არ გავიდა. ამის შესახებ ტელეკომპანიამ ინფორმაცია საკუთარ ვებ-გვერდზე გაავრცელა.

ტელეკომპანია მიზეზად „არხზე მიმდინარე მოვლენებს“ ასახელებს.

აღსანიშნავია, რომ 21:00 საათიანი „კურიერის“ მსგავსად, ეთერში „კურიერი“ არ გასულა არც დილით, 09:00 საათზე.

შეგახსენებთ, რომ ამ დროისთვის არსებული ინფორმაციით, „რუსთავი 2“-ის გენერალური დირექტორი პაატა სალია არხის ჟურნალისტებს ხვდება.