დიმიტრი ცქიტიშვილი - „რუსთავი 2"-ის ჟურნალისტებს ყოფილი ხელმძღვანელი აშანტაჟებს

„რუსთავი 2" -ის ჟურნალისტები ცოტა არ იყოს ბულინგის მსხვერპლი არიან, იმიტომ, რომ ყოფილი ხელმძღვანელი მათ ძალიან უხეშად აბულინგებს, აშანტაჟებს და რატომღაც ჰგონია, რომ თუ ისინი დარჩებიან იმ კომპანიაში, რომელსაც ამდენი წლის განმავლობაში ემსახურებოდნენ, აუცილებლად იქნებიან გამყიდველები, - ამის შესახებ საპარლამენტო უმრავლესობის წევრმა დიმიტრი ცქიტიშვილმა „რუსთავი 2“-დან ჟურნალისტების წასვლაზე საუბრისას განაცხადა.

მისი თქმით, „თუ გენერალური დირექტორი შეიცვალა, ეს არ ნიშნავს, რომ ტელევიზიამ დამოუკიდებლობა დაკარგა".

„ამ კომპანიის მთავარი ძალა და სიტყვის თავისუფლება გამომდინარეობდა ჟურნალისტებიდან, რომლებიც იქ საქმიანობდნენ. მთავარი გარანტი სიტყვის და სარედაქციო დამოუკიდებლობის ამ არხზე, ბუნებრივია, იქნება არა დირექცია, არამედ თვითონ ჟურნალისტები, რომლებმაც შექმნეს ეს არხი. იმედი მაქვს, თავად ეს ჟურნალისტები უზრუნველყოფენ დამოუკიდებლობას, მოუკერძოებლობას და სამართლიან სიტყვას ამ კომპანიაში. ეს ჟურნალისტები ცოტა არ იყოს ბულინგის მსხვერპლი არიან იმიტომ, რომ ყოფილი ხელმძღვანელი მათ ძალიან უხეშად აბულინგებს, აშანტაჟებს და რატომღაც ჰგონია, რომ თუ ისინი დარჩებიან იმ კომპანიაში, რომელსაც ამდენი წლის განმავლობაში ემსახურებოდნენ, აუცილებლად იქნებიან გამყიდველები. ნებისმიერი ტელევიზიის დამოუკიდებლობა დამოკიდებულია არა ადმინისტრაციაზე, არამედ მის ჟურნალისტებზე",- განაცხადა ცქიტიშვილმა.

ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ქართული პრესის მიმოხილვა 14.10.2019
ზაზა ფირალიშვილი - არჩევნებამდე ერთი წლით ადრე შიდა პოლიტიკაში ვითარება რთულია ხელისუფლებისათვის და არანაკლებად რთულია ოპოზიციისათვის