კახა კალაძე - საერთაშორისო დამკვირვებლები აფხაზეთში არ ყოფილან და თანამედროვე მსოფლიოში ამ ე.წ. არჩევნებს არავინ არ სცნობს
პარტია „ქართული ოცნების“ გენერალური მდივნის კახა კალაძის განცხადებით, ოკუპირებულ აფხაზეთში ჩატარებულ ე.წ. საპრეზიდენტო არჩევნებთან დაკავშირებით არც ერთ საერთაშორისო სადამკვირვებლო ორგანიზაციას განცხადება არ გაუკეთებია. როგორც კალაძემ ჟურნალისტებს განუცხადა, თანამედროვე მსოფლიო ამ ე.წ. არჩევნებს არ სცნობს.
„არანაირი საერთაშორისო დამკვირვებლები იქ არ ყოფილან და თანამედროვე მსოფლიო არავინ არ სცნობს ამ ე.წ. არჩევნებს. რამდენიც უნდათ ილაპარაკონ! არავითარი საერთაშორისო ორგანიზაციები, ვინც მართლა, რეალურად მუშაობს არჩევნების მიმართულებით, განვითარებულ ქვეყნებში ჩადიან, ან საქართველოში ჩამოდიან და აკვირდებიან არჩევნებს, ასეთ არც ერთ ორგანიზაციას ე.წ. არჩევნებთან დაკავშირებით განცხადება არ გაუკეთებია“, - განაცხადა კალაძემ.
ცნობისთვის, ოკუპირებულ აფხაზეთში გუშინ ე.წ. საპრეზიდენტო არჩევნები ჩატარდა.
საქართველოს საგარეო საქმეთა სამინისტროს შეფასებით, ე.წ. საპრეზიდენტო არჩევნები საქართველოს სუვერენიტეტისა და ტერიტორიული მთლიანობის წინააღმდეგ მიმართული მორიგი უკანონო ქმედებაა.
v-if="article.gallery" v-html="article.gallery"
