50-მდე ქართველი და ოსი ახალგაზრდა საქველმოქმედო ფონდ „ლაზარეს“ პროექტის ფარგლებში საზაფხულო ბანაკში იმყოფებოდა

50-მდე ქართველი და ოსი ახალგაზრდა საქველმოქმედო ფონდ „ლაზარეს“ პროექტის ფარგლებში საზაფხულო ბანაკში იმყოფებოდა.

როგორც „ინტერპრესნიუსს“ ფონდ „ლაზარედან“ აცნობეს, ბანაკი 17-დან 26 აგვისტომდე ფუნქციონირებდა.

მათივე ინფორმაციით, საქველმოქმედო ფონდი „ლაზარე“ საქართველოს განათლების, მეცნიერების, კულტურისა და სპორტის სამინისტროსა და საქართველოს საპატრიარქოს მხარდაჭერით ახორციელებს პროექტს, - „ქართულ–ოსური სამშვიდობო ინიციატივა,“ რომლის მიზანია ახალგაზრდებში ტოლერანტობისა და სამშვიდობო სულისკვეთების გაღვივებით ქვეყნის აღმშენებლობისათვის ხელშეწყობა.

ფონდის ცნობით, აღნიშნული პერიოდი დატვირთული იყო შემეცნებითი და სახალისო აქტივობებით, ჩატარდა ქართულისა და ოსური ენის გაკვეთილები, სესიები კონფლიქტის ტრანსფორმაციაში, არაფორმალური განათლების თამაშები და სხვა.

მათივე ინფორმაციით, სასიამოვნო ფაქტია, რომ ახალგაზრდები თვითონ გეგმავდნენ და ყოველდღიურად ახორციელებდნენ საღამოს ღონისძიებებს, რომელიც მიზნად საკუთარი კულტურის ურთიერთგაცნობას, შერეულ ჯგუფებში გუნდურ მუშაობას და კრეატიულობის განვითარებას ისახვდა.

ცნობისთვის, „ქართულ–ოსური სამშვიდობო ინიციატივა“ ფონდი „ლაზარეს“ კიდევ ერთი წარმატებული პროექტია და ახალგაზრდული ქართულ-სომხურ-აზერბაიჯანულ-აფხაზური ბანაკის გაგრძელებაა.

ამ საქმეს სრულიად საქართველოს კათოლიკოს–პატრიარქი, უწმინდესი და უნეტარესი ილია II სრულ მხარდაჭერას უცხადებს და უკვე მეორე წელია პროექტს ბობოყვათის საპატრიარქო რეზიდენციას უთმობს.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა