ქართული პრესის მიმოხილვა 04.09.2019

"მკაცრი ხელის“ პოლიტიკა და მთავრობის ყველაზე ბრუტალური შემადგენლობა

რატომ შეიცვალა თავდაცვის მინისტრი აშშ-საქართველოს ახალი შეთანხმების გაფორმების წინ

***

"მკაცრი ხელის“ პოლიტიკა და მთავრობის ყველაზე ბრუტალური შემადგენლობა

"ექსპერტთა ნაწილი მიიჩნევს, რომ სამთავრობო ცვლილებებით "ქართულმა ოცნებამ“ პრაქტიკულად 2020 წლის საპარლამენტო არჩევნების წინასაარჩევნო კამპანია დაიწყო. მთავრობაში ძალოვნების დაწინაურებასა და ზოგადად, ძალოვანი ბლოკის გაძლიერებას ისინი სწორედ არჩევნების მოახლოებითა და დესტაბილიზაციის არდაშვების მიზნით ხელისუფლების მხრიდან უფრო ხისტი პოლიტიკის გატარების სურვილით ხსნიან. მათივე ვარაუდით, ახალ მთავრობაში პრემიერ გიორგი გახარიასთან ერთად წამყვანი ფიგურები იქნებიან შს მინისტრის თანამდებობაზე გადასული ვახტანგ გომელაური და მთავრობაში თავდაცვის მინისტრის რანგში დაბრუნებული ირაკლი ღარიბაშვილი. ხისტი მიდგომებით ცნობილი ამ სამეულის გამო, მათი აზრით, ეს იქნება ერთ-ერთი ყველაზე ბრუტალური მთავრობა, რომელიც კი ოდესმე საქართველოს ჰყოლია”, - წერს გაზეთი "რეზონანსი“ სტატიაში სათაურით, "მკაცრი ხელის“ პოლიტიკა და მთავრობის ყველაზე ბრუტალური შემადგენლობა

"გუშინ საღამოს 7 საათზე პარლამენტთან საპროტესტო აქცია განახლდა. მანამდე კი იყო შეხლა-შემოხლა და ცალკეული ინციდენტები როგორც პარლამენტის შესასვლელთან, ასევე უშუალოდ სხდომათა დარბაზში. სამშაბათს პარლამენტის საშემოდგომო სესია საქართველოს ჰიმნით გაიხსნა, თუმცა ჰიმნის დასრულებისთანავე „ევროპული საქართველოს“ წევრებმა პროტესტის ერთგვარ ფორმას მიმართეს და მინისტრთა კაბინეტში ცვლილებების შესახებ 3 სექტემბერს გაჟღერებული გადაწყვეტილება სასტვენებით გააპროტესტეს. პარლამენტის თავმჯდომარე არჩილ თალაკვაძემ დეპუტატები გააფრთხილა და მოუწოდა წესრიგი დაეცვათ, თუმცა მას არავინ დაემორჩილა. ამის გამო, მისი გადაწყვეტილებით, „ევროპული საქართველოს“ წევრებს სასესიო დარბაზი დაატოვებინეს. საბოლოოდ, "ევროპული საქართველოს“ წევრების გარდა, დარბაზიდან „ნაციონალური მოძრაობის“ წევრი დეპუტატებიც გავიდნენ. პარალელურად დაძაბულობა იყო პარლამენტის შესასვლელთან, სადაც აქცია „სირცხვილიას“ წარმომადგენლები ჯერ დეპუტატებისათვის სირცხვილის კორიდორის მოწყობას ცდილობდნენ, შემდეგ კი პარლამენტის შენობაში შესვლას. როგორც აქციის ერთ-ერთმა ორგანიზატორმა "რეზონანსს“ განუცხადა, მიუხედავად იმისა, რომ პარლმანტში შესასვლელად საშვები უკვე დაშვებული იყო, ისინი შენობაში არ შეუშვეს. მიზეზად ტექნიკური ხარვეზები დასახელდა”, - აღნიშნავს გამოცემა

"პარლამენტის შესასვლელთან რამდენიმე ინციდენტიც მოხდა. მაგალითად, „ფეისბუქში" გავრცელდა ფოტომასალა, სადაც ჩანს, თუ როგორ იწევს დეპუტატი ვიქტორ ჯაფარიძე აქცია „სირცხვილიას" ერთ-ერთი მონაწილისკენ. ფოტოზე ჩანს აგრეთვე დეპუტატი ირაკლი ტრიპოლსკი. ფოტოსურათს აქიის ერთ-ერთი ორგანიზატორი გიგა მაქარაშვილი აქვეყნებს. ვიქტორ ჯაფარიძე „რეზონანსს" უთხრა, რომ აქციის მონაწილისთვის ხელი არ გაურტყამს, მას უბრალოდ სასტვენი გამოართვა. ანალიტიკოსი ნიკა ჩიტაძე „რეზონანსთან“ საუბრისას აცხადებს, რომ „ქართული ოცნების“ მიზანია 2020 წლის საპარლამენტო არჩევნების მოგება, თუმცა, მმართველმა გუნდმა პრემიერად გახარიას კანდიდატურის წამოყენებით მხოლოდ შეცდომა დაუშვა. ანალიტიკოსი მიიჩნევს, რომ 3 სექტემბერს დასახელებული კანდიდატები ხისტი ფიგურები არიან, რაც პარალალურად, კრემლის მიმართ უფრო ლიალური პოლიტიკის გატარებას ემსახურება. „იზორია საუბრობდა პროამერიკული პოზიციით. აქცენტს აკეთებდა სამხედრო თანამშრომლობის გაძლიერებაზე საქართველოსა და აშშ-ს შორის. როდესაც ღარიბაშვილი ანაცვლებს იზორიას, აქ ჩანს სწორედ ის, რომ რუსეთის მიმართ უფრო ლოალური პოლიტიკა იქნება გატარებული”, - განაგრძობს გამოცემა.

"ასევე სიხისტით გამოირჩეოდა ღარიბაშვილი, როდესაც ის პრემიერ-მინისტრის თანამდებობაზე იყო. ივანიშვილის გადმოსახედიდან ბახტაძე არ იყო ისეთი ქარიზმატული ფიგურა, როგორიც გახარიაა. ამიტომაც გახარია უფრო საჭიროა. მან კარგად იმუშავა (საპრეზიდენტო არჩევნების) მეორე ტურის წინ, როდესაც სამეგრელოში ჩავიდა და სამეგრელოში ხმების მოგროვება უზრუნველყო. „ხელისუფლებას თანამდებობეზე ხისტი ფიგურები სჭირდება; გახარია და ღარიბაშვილი სწორედ გარკვეულ სიხისტესთან ასოცირდებიან. დამატებით, ეს არის რუსეთისთვის იმის თქმა, რომ საქართველო მის მიმართ შედარებით ლოიალურ პოლიტიკას გაატარებს. „თუმცა მგონია, რომ ხელისუფლება დიდ შეცდომას უშვებს, რადგან მანამდე იყო გარკვეული საპროტესტო ტალღა აგორებული გახარიას მიმართ და მოითხვდა გიორგი გახარიას, როგორც შს მინისტრის გადადგომას. დღეს უკვე მოსახლეობის მნიშვნელოვანი, პოლიტიკურად აქტიური ნაწილი მოითხოვს მთავრობის გადადგომას, იმ შემთხვევაში, თუკი მთავრობის მეთაური გახარიას გახდება,“ - განაცხადა ნიკა ჩიტაძემ”, - დასძენს გამოცემა.

"სოციოლოგი ვალერიან გორგილაძე აღნიშნავს, რომ სამივე ფიგურა დიდი ნდობით სარგებლობს როგორც მმართველ გუნდში, ასევე ამომრჩეველშიც. მსგავსი საკადრო ცვლილება კი, მისი აზრით, „ქართული ოცნებისთვის“ სერიოზული წარმატების მომტანი იქნება. „იმის გათვალისწინებით, რომ პოლიტიკური რისკები ქვეყნის შიგნით და მის გარეთაც იზრდება, ამით „ოცნებამ“, ფაქტობრივად, წინასაარჩევნო კამპანია დაიწყო. საკადრო ცვლილებები ძირითადად ძალოვან ბლოკს შეეხო. „ქართულ ოცნებასა“ და ამომრჩეველში სამივე პრედენდენტი ნდობით სარგებლობს. გარდა ამისა, ასეთი ბრუტალური შემადგენლობა არ მახსოვს, რადგან სამივე პიროვნება სრულად შეესაბამება იმ პორტრეტს, რომელსაც ამომრჩეველი ხატავს. „შესაძლოა ითქვას, რომ ეს არის ბირთვი ამ ლიდერებისა. გიორგი გახარიამ ნამდვილად ლიდერის უნარები გამოამჟღავნა. ასევე ლიდერის უნარით გამოირჩევა ირაკლი ღაბიბაშვილი. გომელაურზეც იგივე შეიძლება ითქვას. ამ ცვლილებებით „ოცნებამ“ უნდა უზრუნველყოს პოლიტიკური სტაბილურობა, მინიმალური ნეგატიური დინამიკა პოლიტიკურ ველში,“ - განაცხადა ვალერიან გორგილაძემ”, - წერს გამოცემა.

"ნიკა ჩიტაძე ვარაუდობს, რომ აქციები ფართომასშტაბის გახდება. ამასთან ერთად, მანამდე თუკი გიორგი გახარიას გადადგომას ითხოვდნენ, როგორც შს მინისტრის, ახლა სრულიად მთავრობის გადადგომას მოითხოვენ. „არ არის გამორიცხული ამან მასშტაბური სახე მიიღოს, რასაც უფრო ოქტომბრის დასაწყისისთვის უნდა ველოდოთ. თუ მანამდე მომიტინგეები ითხოვდნენ გახარიას, როგორც შს მინისტრის გადადგომას, ახლა მთავრობის გადადგომას მოითხოვენ. „ხელისუფლება წინასაარჩევნოდ შეეცდება გარკვეულ ხისტ ზომებს მიმართოს, თუნდაც გახარიას ფაქტორის გათვალისწინებით. მათ შორის ადმინისტრაციული რესურსის გამოყენებითა და მოსახლეობის აგიტაცია-პროპაგანდით, რომ მომავალ საპარლამენტო არჩევნებში გამარჯვება უზურუნველყონ. „ასევე უნდა ველოდოთ, რომ საკონსტიტუციო ცვლილებებთან დაკავშირებით მწვავე დებატები წარიმართება, რომელიც პროპორციულ საარჩევნო სისტემაზე გადასვლას ითვალისწინებს,“ - განაცხადა ნიკა ჩიტაძემ. გორგილაძე მიიჩნევს, რომ აქციები ფართომასტაბიან სახეს არ მიიღებს, რადგან ეს ყველაფერი ოპოზიციის მიერ ხელოვნურად არის პროვოცირებული. „ვხედავთ, რომ ხელოვნურად ხდება ამ საპროტესტო მოძრაობის მხარდაჭერა, რადგან ამ აქციებს ხალხის უფრო და უფრო მცირე რაოდენობა ესწრება. იქ არის გამოკვეთილი ბირთვი, რომელიც ადგილს და მეტ-ნაკლებად რეგულარულ ხასიათს ინარჩუნებს. რჩება ეს სივრცე იმისათვის, რომ საპროტესტო მოძრაობის მობილიზაცია მოხდეს და ეს საპროტესტო მოძრაობა გახდეს უფრო მასობრივი, მკვეთრი და ინტენსიური. სწორედ ეს არის ოპოზიციის ამოცანა. „მიუხედავად ყველაფრის, 20 ივნისის „გავრილოვის ღამის“ გარკვეული გადაფასება მოხდა. გამოიკვეთა ოპოზიციის მკაფიო როლი ამ პროცესის ორგანიზებაში. დღესაც იყო მცდელობა. გასაგებია ოპიზიციის ეს მცდელობები, თუმცა არ მგონია მათ შეძლონ და მოახდინონ ვითარების ესკალაცია. ამ შემადგენლობის წარდგენა სწორედ იმით არის განპირობებული, რომ ვითარების დეტაბილიზაცია არ მოხდეს,“ - განაცხადა ვალერიან გორგილაძემ.

რატომ შეიცვალა თავდაცვის მინისტრი აშშ-საქართველოს ახალი შეთანხმების გაფორმების წინ

"აშშ-საქართველოს ახალი 3-წლიანი სამხედრო შეთანხმების წინ თავდაცვის მინისტრის შეცვლა უბრალო დამთხვევაა და ეს საქართველოს პოლიტიკის შეცვლას არ ნიშნავს, - ამის შესახებ უსაფრთხოების საკითხებში ექსპერტმა ვახტანგ მაისაიამ განაცხადა "რეზონანსთან“ სამთავრობო ცვლილებებზე საუბრისას”, - წერს გაზეთი "რეზონანსი“ სტატიაში სათაურით, რატომ შეიცვალა თავდაცვის მინისტრი აშშ-საქართველოს ახალი შეთანხმების გაფორმების წინ

"ეს უბრალოდ როტაციის პროცესია. თავის დროზე თანამდებობაზე იზორიაც სპეცსამსახურებიდან მოვიდა და მსგავსი სენტიმენტები, რომ „ის რუსეთის კაცია“, მაშინაც იყო. ყველაზე მეტი შეკითხვა კი ჯანელიძის მიმართ იყო და სწორედ ამას გადაყვა იგი. მაგრამ ჯანელიძე რომ ჯანელიძეა, მანაც კი საგარეო პოლიტიკურ ორიენტაციასთან დაკავშირებით ვერაფერი შეცვალა. ნებისმიერი პოლიტიკოსისთვის შესაძლებელია, მინისტრის პოსტის დაკავება, ერთი ძალოვანი შეიცვალა მეორე ძალოვანით. ამიტომ არ მგონია, ამან პოლიტიკური ორიენტაციის ცვლილება გამოიწვიოს”, - აღნიშნავს გამოცემა.

"ჩვენ ევროატლანტიკური ინტეგრაციის კურსს გავაგრძელებთ. ასე რომ არ იყოს, ამერიკული მხარე მოსაზრებას აუცილებლად გამოთქვამდა. მთავარი არის მთავრობის პოლიტიკური კურსი, რომელიც ჩვენს ქვეყანაში არის ჰომოგენური, ერთიანი და სწრაფვა ნატოსკენ ნამდვილად არ შეჩერდება. „სანამ „ქართული ოცნება“ ქვეყნის სათავეშია, არ მგონია ეს მიდგომები შეიცვალოს. იმ შემთხვევაში, თუ საპარლამენტო არჩევნების შემდეგ სათავეში ისეთი ძალა მოვიდა, რომელიც სხვა ტიპის საგარეო პოლიტიკურ კურსს განახორციელებს, მაშინ შეგვიძლია განგაში ავტეხოთ და შეშფოთება გამოვხატოთ“, - აცხადებს ვახტანგ მაისაია სამთავრობო ცვლილებებზე საუბრისას”, - დასძენს გამოცემა

"მაისაიას თქმით, ქართულ-ამერიკული სამხედრო ხელშეკრულების დადების წინ თავდაცვის მინისტრის შეცვლა, შესაძლოა, უბრალო დამთხვევა იყოს, რადგანაც სექტემბერში, მამუკა ბახტაძის თქმით, პოლიტიკური ცვლილებები ისედაც იგეგმებოდა, რაზეც, თავის მხრივ, ამერიკული მხარეც საქმის კურსში იყო. „სამწლიანი სამხედრო ხელშეკრულების დადება იმაზე არაა დამოკიდებული, თუ ვინ იქნება თავდაცვის მინისტრი. მთავარია ქვეყნის მთავრობის პოლიტიკური კურსი რამდენადაა იმ სულისკვეთებასთან თანხმობაში, რომელიც შეთანხმების საფუძველია. მე მჯერა, რომ თვდაცვის ახალი მინისტრი ისეთივე პროდასავლური ორიენტაციის იქნება, როგორიც მთლიანი გუნდია“, - აღნიშნა მაისაიამ „რეზონანსთან“ საუბრისას”, - წერს სტატიის ავტორი.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)