გამოვხატავთ პროტეტს, რომ გიორგი გახარია, რომლის ბრძანებითაც ადამიანებს თვალები დათხარეს, პრემიერ-მინისტრის კანდიდატად დააყენეს, - ამის შესახებ „ევროპული საქართველოს" წევრმა ზურაბ ჭიაბერაშვილმა განაცხადა. მისი თქმით, „ევროპული საქართველო" არც იმ კომიტეტების გაერთიანებულ სხდომას დაესწრება, სადაც განათლების და ჯანდაცვის მინისტრობის კანდიდატებს უსმენენ.
„მთავარი მიზეზი, რატომაც არ ვესწრებით, საზოგადოებისთვის გასაგებია. ჩვენ გამოვხატავთ პროტეტს, რომ გიორგი გახარია, რომლის ბრძანებითაც ადამიანებს თვალები დასთხარეს, პრემიერ-მინისტრის კანდიდატად დააყენეს. ესეც რომ არ იყოს, საზოგადოება დაიღალა „ქართული ოცნების" ცრუ დაპირებებით. ჩვენ 7 წელი ვუყურებთ, რომ მათ ვერც ერთი პრობლემა, რომელიც ჯანდაცვის სფეროს ეხება, ვერ მოაგვარეს. ისინი არ აღიარებენ პრობლემებს და არ ცდილობენ მოაგვარონ“, - განაცხადა ჭიაბერაშვილმა.
შეგახსენებთ, რომ ახალი სამთავრობო პროგრამით სამი კომიტეტის გაერთიანებულ სხდომაზე განათლების მინისტრობის კანდიდატი მიხეილ ბატიაშვილი და ჯანდაცვის მინისტრობის კანდიდატი ეკატერინე ტიკარაძე წარსდგებიან.