ავღანეთის დედაქალაქ ქაბულში საბრძოლო მოქმედებების დროს ნატოს ორი სამხედრო მოსამსახურე დაიღუპა. ეს ინფორმაცია ავღანეთში ნატოს სარდლობამ გაავრცელა. მისიის საიტზე წერია, რომ ერთი სამხედრო აშშ-ის მოქალაქე იყო, მეორე რუმინეთის.
დღესვე ქაბულის რაიონ შაშ დარაკში, სადაც ნატოს შტაბბინა, აშშ-ის საელჩო და ავღანეთის რიგი სამთავრობო შენობებია განთავსებული, აფეთქება მოხდა. შინაგან საქმეთა სამინისტროს ცნობით დანაღმული ავტომანქანა აფეთქდა. სავარაუდო მიზანი ეროვნული უშიშროების სამმართველოს საკონტროლო გამშვები პუნქტი იყო. ბოლო მონაცემებით, 10 ადამიანი დაიღუპა და 42 დაშავდა. თავდასხმაზე პასუხისმგებლობა რადიკაურმა მოძრაობა „თალიბანმა“ აიღო.
ამ ინფორმაციას ადგილობრივ მედიაზე დაყრდნობით „რია ნოვოსტი“ ავრცელებს.