საფრანგეთის საგარეო საქმეთა მინისტრის, ჟან ივ ლე დრიანის განცხადებით, რუსეთის წინააღმდეგ დაწესებული სანქციების გაუქმება ჯერ ადრეა.
ჟან ივ ლე დრიანის თქმით, საფრანგეთი მიესალმება რუსეთსა და უკრაინას შორის პატიმრების გაცვლას, რამაც კრიზისის შემსუბუქება გამოიწვია. ამის შესახებ საფრანგეთის საგარეო უწყების ხელმძღვანელმა მოსკოვში ვიზიტისისა ისაუბრა, სადაც იგი რუს კოლეგას სერგეი ლავროვს შეხვდა.
„რა თქმა უნდა, რუსეთსა და ევროპას შორის უკრაინის საკითხზე პროგრესის გარეშე მყარი შეთანხმება ვერ მოხერხდება. ჩვენი აზრით, დღეს არსებული კონტექსტი კარგია, შესაძლოა, უკეთესი ვიდრე ბოლო სამი წლის განმავლობაში იყო. თუმცა, ჩვენ ბოლო რამდენიმე კვირაში მნიშვნელოვან პროგრესს ვხედავთ“, - განაცხადა საფრანგეთის საგრეო საქმეთა მინისტრმა.
შეგახსენებთ, რამდენიმე დღის წინ უკრაინამ და რუსეთმა პატიმრები გაცვალეს.