რუსეთის ქალაქ ულან-უდეში პოლიციამ სამდღიანი აქცია დაშალა. ქალაქის ცენტრში შეკრებილი აქტივისტები 8 სექტემბერს გამართული ქალაქის მერის არჩევნების შედეგების გაუქმებას ითხოვდნენ. ისინი ღამესაც მოედანზე, იქვე გაჩერებულ ავტობუსში ათევდნენ. საპროტესტო აქციის მონაწილეები ავტობუსის დაცლის თაობაზე მოთხოვნას არ დაემორჩილნენ და პოლიციას წინააღმდეგობა გაუწიეს. სამართალდამცავებმა ცრემლსადენი გაზი გამოიყენეს და აქციის 17 მონაწილე დააპატიმრეს. ამ დროისთვის მოედანი ხალხისგან გათავისუფლებულია და მას პოლიცია იცავს.

ამ ინფორმაციას „ბი-ბი-სი“ ავრცელებს.