ლევან გოგიჩაიშვილი - ახალმა პრემიერმა გვითხრა: „მე ვაპირებ დავიცვა მურუსიძე, ჩინჩალაძე, თეთრაძის პროკურორი“ - ასეთი კომპრომისი მიუღებელია
სამწუხაროდ, ჩვენ მოგვევლინა პრემიერ-მინისტრი ახალი, რომელმაც გვითხრა: „მე ვაპირებ დავიცვა მურუსიძე, დავიცვა ჩინჩალაძე, დავიცვა თეთრაძის პროკურორი“, - ამის შესახებ დამოუკიდებელმა დეპუტატმა, ლევან გოგიჩაიშვილმა ჟურნალისტებთან მოსამართლეების სიაზე საუბრისას განაცხადა.
დეპუტატი ამბობს, რომ მისთვის ასეთი კომპრომისი მიუღებელია. მისივე თქმით, ადამიანებმა, რომლებიც მოსამართლეობის კანდიდატებად არიან წარმოდგენილნი, სასამართლო სისტემა თავის დროზე მიხეილ სააკაშვილის პოლიტიკურ ვერტიკალს დაუქვემდებარეს და ახლა მათ უკვე „პატრონი გამოიცვალეს“.
„ე.ი. ჩვენ ადამიანებს რას ვეუბნებით? რომ შესაძლებელია ემსახურო სისტემას, ჩაიდინო სიბინძურე და თუ ოდესღაც სხვა პატრონს გადაებარები, შესაძლებელია ეს შეგრჩეს? - გამოდის, ჩვენს ქვეყანაში არის შერჩევითი სამართალი ადამიანებთან მიმართებაში”, - განაცხადა გოგიჩაიშვილმა.
v-if="article.gallery" v-html="article.gallery"
