საქართველოში ნატო-ს საპარლამენტო ასამბლეის პრეზიდენტის, მედლინ მუნის ვიზიტის ფარგლებში, საქართველო - ნატო-ს საპარლამენტთაშორისო საბჭოს რიგით მე-9 შეხვედრა გაიმართა. ამის შესახებ ინფორმაციას პარლამენტის პრესსამსახური ავრცელებს.

„შეხვედრის ფარგლებში, უცხოელმა პარტნიორებმა კიდევ ერთხელ გამოხატეს საქართველოს სუვერენიტეტისა და ტერიტორიული მთლიანობისადმი, ისევე როგორც ევროატლანტიკური მისწრაფებისადმი მტკიცე მხარდაჭერა. შეხვედრაზე განვიხილეთ საქართველოს მიერ სხვადასხვა სფეროში, მათ შორის ალიანსში ინტეგრაციის გზაზე მიღწეული პროგრესი და სხვა მნიშვნელოვანი საკითხები“, - განაცხადა თავდაცვისა და უშიშროების კომიტეტის თავმჯდომარის პირველმა მოადგილემ, ირაკლი ბერაიამ.