თურქეთში აფეთქების შედეგად, ოთხი ადამიანი დაიღუპა. ამის შესახებ თურქული მედია იუწყება.
დიარბაქირის პროვინციის კულპის რაიონში მიკროავტობუსი, რომელშიც სამოქალაქო პირები ისხდნენ, ასაფეთქებელი მოწყობილობის ამოქმედების შედეგად აფეთქდა.
მომხდარის შედეგად შვიდი ადამიანი დაშავდა, რომლებიც ქალაქის საავადმყოფოში გადაიყვანეს.
გამოცემა „SABAH“-ის ინფორმაციით, აფეთქება თურქეთში აკრძალული ქურთთა მუშათა პარტიის წევრებმა განახორციელეს.