ქართული პრესის მიმოხილვა 13.09.2019

ხაზარაძე და მისი სიმბოლოები

11 შეხვედრა მოსახლეობასთან - რა შემთხვევაში გადაიფიქრებს "ოცნება“ პროპორციულ სისტემაზე გადასვლას

***

ხაზარაძე და მისი სიმბოლოები

"დადებს თუა არა მამუკა ხაზარაძე პოლიტიკურ ლელოს 2020 წელს? ბანკირმა 12 სექტემბერს საზოგადოებრივი მოძრაობა „ლელო“ დააფუძნა და პირველი ხამამაღალი პოლიტიკური განცხადებებიც გააკეთა. ხაზარაძის მთავარი რეპლიკა, რაც მან ჟურნალისტებთან განაცხადა, იყო, რომ საქართველოში „ერთი კაცის მართველობა უნდა დასრულდეს“. რა ვიცით ხაზარაძე-ჯაფარიძის საზოგადოებრივი მოძრაობის შესახებ და რა პერსპექტივები შეიძლება მათ 2020 წლს არჩევნებისთვის ჰქონდეთ? მითუმეტეს იმ ფონზე, რომ ხაზარაძე არ აპირებს არცერთ პოლიტიკურ პარტიებთან თანამშრომლობას და არც პოლიტიკოსების მის გუნდში მიწვევას. ამის გამო ის უკვე გახდა როგორც „ნაციონალური მოძრაობის“, ასევე „ქართული ოცნების“ კრიტიკის მთავარი სამიზნე”, - წერს გაზეთი "რეზონანსი“ სტატიაში სათაურით, ხაზარაძე და მისი სიმბოლოები / 12 სექტემბერი, 12-12 ექსპერტი ყველა სფეროდან, ანაკლია და ყვითელი დაფა ლურჯი ზღვის ფონზე

"ხაზარაძემ ანაკლიაში გამართულ პრეტენზაციაზე განაცხადა, რომ მისი მოძრაობა ოქტომბერში პოლიტიკურ პარტიად გადაიქცევა. მისი მიზანი იქნება 2020 არჩევნების მოგება. მოძრაობის ვექტორი არის დასავლეთისკენ. მართვის სტილი იქნება ჰორიზონტალური - აქცენტით გუნდურობაზე. ხოლო ყველა სფეროდან 12 ლიდერს შემოიკრებს - მოძრაობაში გაწევრიანებულები იქნებიან ისინი, ვინც სხვადასხვა დარგში წარმატებას უკვე მიაღწია. „თი-ბი-სი ჯგუფის“ დამფუძნებელმა პოლიტიკურ მოედანზე გადასვლის შესახებ პირველად საჯაროდ 2 თვის წინ განაცხადა, მაშინ, როდესაც პროკურატურას მის წინააღმდეგ გამოძიება ფულის გათეთრების მუხლით უკვე დაწყებული ჰქონდა. ამ საქმეს თავად მამუკა ხაზარაძე მთავრობის მხრიდან ანაკლიის პორტის მშენებლობის ჩაშლის მცდელობას უკავშირებს. ხაზარაძემ თავისი გამოსვლის დასაწყისში რამდენჯერმე ახსენა პორტის მშენებლობა, თუმცა ამჯერად ანაკლია მისი გამოსვლის ფონი იყო და არა ფოკუსი. თუმცა სავარაუდოდ, მისი ბრძოლის ერთ-ერთი ბერკეტი ანაკლისი პორტი იქნება”, - აღნიშნავს გამოცემა.

"მან ასევე ისაუბრა იმაზე, რომ ქვეყნის მშენებლობაში ის ადამიანები უნდა იყვნენ ჩართული, ვინც „წარმატების ფორმულა“ იციან და უკვე აქვთ მიღწევები სხვადასხვა სფეროებში. მისი თქმით, დიდი პოტენციალია ემიგრანტებს შორისაც. მამუკა ხაზარაძემ განაცხადა, რომ ის პოლიტიკაში ბიზნეს მენეჯმენტში აპრობირებულ ჰორიზონტალურ სტრუქტურას ირჩევს, რომელიც გუნდურ მუშაობაზეა ორიენტირებული. მისი გუნდის შემადგენლობა კი მას გამოსვლისას არ დაუსახელებია. თავიდანვე განსაკუთრებულ ინტერესს იწვევდა წინასწარ გამოცხადებული მოძრაობის წევრების ვინაობა, თუმცა ყველა სახელი კვლავ უცნობია. ხაზარაძე და ბადრი ჯაფარიძე ამბობენ, რომ მათი ვინაობა ცნობილი ნელ-ნელა გხადება. მათგან დადასტურებულია მხოლოდ შემდეგი ადამაინების ვინაობა, რომლებიც მოძრაობის წევრები გახდნენ: თეონა დოლენჯაშვილი - მწერალი, ანაკლიის განვითარების კონსორციუმის საზოგადოებასთან ურთიერთობის მენეჯერი; კახა კოჟორიძე - ადვოკატი. ექს-პრეზიდენტ გიორგი მარგველაშვილის მრჩეველი; ანა ნაცვლიშვილი - იურისტი, ექს-პრეიზდენტ გიორგი მარგველაშვილის საპარლამენტო მდივანი; ქეთი მატაბელი - მხატვარი; მაია ჩიკვაიძე - მხატვარი; საბა ბუაძე - იურისტი”, - დასძენს გამოცემა.

"ხაზარაძის სიტყვას და მის განცხადებებს პოლიტიკური შეფასებები უკვე მოჰყვა. ყურადღებ მისაქცევია ის ფაქტი, რომ ხაზარაძე "ნაციონალებმაც“ და „ოცნებამაც“ ერთნაირად გააკრიტიკა. ექსპერტები „რეზონანსთან“ საუბრისას აცხადებენ, რომ ორივე პარტიის დარტმის მთავარი ობიექტი,სავარაუდოდ, მამუკა ხაზარაძე იქნება. ფრაქცია „ქართული ოცნების“ ლიდერმა მამუკა მდინარაძე აცხადებს, რომ გაუჭირდება შეაფასოს რა იქნება იმ ადამიანების პოლიტიკური მომავალი, რომლებმაც კონკრეტულ პროექტთან დაკავშირებით ნაკისრი ვალდებულებები არ შეასრულეს. „ამ ადამიანს ამ ვალდებულების შესრულება უფრო მართალს გახდიდა. ვალდებულებების შეუსრულებლობის ფონზე იგივე ადგილიდან მოძრაობის დაანონსება საზოგადოების მიერ რამდენად სერიოზულად აღიქმება, ეს საზოგადოების გადასაწყვეტია. თუმცა, თუკი ადამიანს ან პირთა ჯგუფს პოლიტიკური ამბიციები უჩნდება, ჯობია ის ვალდებულებები ჰქონდეს შესრულებული, რაც თავის თავზე აიღო“, - განუცხადა ჟურნალისტებს მდინარაძემ. „ლელოს“ პრეზენტაციას საქართველოს მესამე პრეზიდენტი მიხეილ სააკაშილი „ფეიბსუკ“ პოსტით გამოეხმაურა. „ცალი თვალით შევხედე მამუკა ხაზარაძის პრეზენტაციას ანაკლიაში, ლაზიკაში და ვნახე ამ კრიალოსნიანი ბიჭების შეკრება და მოთქმა იმაზე, რომ ერთი და იგივე წრეზე დავდივართ 30 წელი და უნდა გავარღვიოთ. თურმე ხაზარაძემ და ამ კრიალოსნიანმა ბიჭებმა, თეთრფართხუნა ტანსაცმელში ჩაცმულებმა, უნდა გაარღვიონ ეს წრე. „ხაზარაძემ უკვე გაარღვია ეს წრე. ანაკლიის პორტი იგივე ლაზიკის პორტი, უკვე დამთავრებული იქნებოდა, თუ არა ხაზარაძე და ის შანტრაბა, რომელმაც მხარი დაუჭირა ბიძინა ივანიშვილს 2012 წელს“, - წერს სააკაშვილი”, - წერს გამოცემა.

"ექსპერტ გია ხუხაშვილი კი „რეზონანსთან“ ხაზარაძის ახალ მოძრაობას აფასებს და ამბობს, რომ მისი ნაბიჯები პოლიტიკურად კარგად არის გააზრებული, თუმცა ფიქრობს, რომ „ლელოს“ პოლიტიკური კომპონენტი სჭირდება, რადგან ამ ეტაპზე ჯერ მხოლოდ სამოქალაქო მოძრაობის შთაბეჭდილებას ტოვებს. თუმცა, ხუხაშვილი აქვე დასძენს, რომ ეს ძალიან წვრილმანია და ამ ეტაპისთვის არცთუ ისე მნიშვნელოვანი ხარვეზებია, რაც გამოსწორდება. „რაც შეეხება ტექნიკურ საკითხებს და გუნდს, მე ვფიქრობ, რომ ამ ეტაპზე მისი მთავარი გზავნილი საზოგადობაში არის ასეთი, რომ არსებული პოლიტიკური ელიტა არის ძირითადად კომპრომენტირებული., მათზე აღბეჭდილია წარსული დანაშაული, ან მუდმივი წარუმატებლობა და შესაბამისად, ის ცდილობს დაიწყოს სუფთა ფურცლიდან. „ბუნებრივია, ამას აქვს თავისი რისკები და პრობლემები, იმიტომ, რომ ცნობადობის გარეშე პოლიტიკა არ არსებობს. ცნობადობის ფირმირებისთვის ერთი წელი არის ძალიან ცოტა და ეს მას შეუქმნის პრობლემებს. მიუხედავად ამისა, ამ ეტაპზე, სრულიად საკმარისია. „მე ვფიქრობ, რომ მას აუცილებლად სჭირდება პოლიტიკური კომპონენტის გაჩენა, რომელიც ჯერ არ იგრძნობა და ქმედებებშიც არ ჩანს. თუმცა, ეს ძალიან წვრილმანი და ამ ეტაპისთვის არცთუ ისე მნიშვნელოგანი ხარვეზებია, რაც გამოსწორებადია. „პოლიტიკურად კარგად გააზრებულია მისი ნაბიჯები. მე ვფიქრობ, რომ ეს არის ჯერ სამოქალაქო მოძრაობა. მას ძლიერი პოლიტიკური კომპონენტის გამოჩენა უფრო დასჭირდება პარტიის დაფუძნების, მისი ყრილობის მომენტში“, - განაცხადა ხუხაშვილმა”, - წერს სტატიის ავტორი.

11 შეხვედრა მოსახლეობასთან - რა შემთხვევაში გადაიფიქრებს "ოცნება“ პროპორციულ სისტემაზე გადასვლას

"პროპორციულ საარჩევნო სისტემაზე გადასვლასთან დაკავშირებით, „ქართული ოცნება" საყოველთაო-სახალხო განხილვებს იწყებს. შეიქმნა საორგანიზაციო კომისია, რომელიც 11 საჯარო შეხვედრას გამართავს. მმართველი გუნდში ამბობენ, რომ დაგეგმილი შეხვედრები შედეგს გამოიღებს, პროპორციულ არჩევნებზე გადასვლაზე საზოგადოებასთან კონსენსუსს მიაღწევენ და ეს გადაწყვეტილება არ გადაიხედებე თუმცა ანალიტიკოსი ზაალ ანჯაფარიძე აცხადებს, რომ ერთადერთი, რამაც მმართველ გუნდს საკუთარი გადაწყვეტილება შეიძლება შეაცვლევინოს, ოპოზიციის მიერ გადადგმული ნაბიჯები იქნება, რითაც „ქართულ ოცნებას" გადაწყვეტილების შეცვლის საბაბი მიეცემა. დაგეგმილ შეხვედრებს პარლამენტის თავმჯდომარე არჩილ თალაკვაძე გაუძღვება და პირველი შეხვედრა თელავში 13 სექტემბერს გაიმართება, რომელიც სავარაუდოდ 14:00 საათზე დაიწყება. შეხვედრები გაგრძელდება რუსთავში, ახალციხეში, გორში, მცხეთაში, ბათუმში, ოზურგეთში, ზუგდიდში, ქუთაისში, ამბროლაურში და 30 სექტემბერს თბილისში დასრულდება. განხილვებში მონაწილეობენ როგორც მმართველი გუნდის, ასევე არასაპარლამენტო პოლიტიკური პარტიებისა და არასამთავრობო ორგანიზაციების წარმომადგენლებიც, ასევე კონსტიტუციონალისტები და ექსპერტები”, - წერს გაზეთი "რეზონანსი“ სტატიაში სათაურით, 11 შეხვედრა მოსახლეობასთან - რა შემთხვევაში გადაიფიქრებს „ოცნება“ პროპორციულ სისტემაზე გადასვლას

"საპარლამენტო უმრავლესობის წევრი ირაკლი სესიაშვილი „რეზონანსთან" საუბრისას აცხადებს, რომ ეს შეხვედრები საზოგადოების დარწმუნებას ემსახურება, რომ 2020 წლის არჩევნებისთვის პროპორციულ სისტემაზე გადასვლა დემოკრატიული ნაბიჯია. „ამ კომისიაში ყველაა წარმოდგენილი, მათ შორის არასაპარლამენტო ოპოზიციიდანაც და ვიწყებთ თელავიდან. ჩვენმა პოლიტიკურმა ძალამ განაცხადა, რომ მზად ვართ გადავიდეთ პროპორციულ საარჩევნო სისტემაზე, რაც არის უპრეცენდენტო და ალბათ საქართველოს ისტორიაში პირველი შემთხვევაა, როდესაც მმართველი პოლიტიკური ძალა ასეთ დემოკრატიულ ნაბიჯს დგამს. „საჯარო და სახალხო განხილვა სწორედ იმას ემსახურება, რომ ხალხს მოვუსმინოთ. როდესაც ამის ინიციატორები ვართ, უნდა დავარწმუნოთ კიდეც. ოპოზიცია და არასაპარლამენტო ოპოზიცია მხარს უჭერს პროპორციულ სისტემაზე გადასვლას. პოლიტიკოსების პროფესია იმაში მდგომარეობს, რომ საზოგადოება დავარწმუნოთ", - განაცხადა ირაკლი სესიაშვილმა”, - აღნიშნავს გამოცემა.

"საპარლამენტო უმრავლესობის კიდევ ერთი დეპუტატი ნინო წილოსანი ამბობს, რომ ახალ სისტემაზე გადასვლასთან დაკავშირებით საზოგადოებასთან კონსენსუსი იქნება მიღწეული და მათი მხრიდან „დიდი წინააღმდეგობა არ წამოვა". „არ მგონია ისეთი რამ მოხდეს, რომელიც ამ პროცესს ხელს შეუშლის. დარწმუნებული ვარ, მოსახლეობას სათანადოდ მივაწვდით ინფორმაციას ამ სისტემის მნიშვნელობასა და დადებით მხარეებზე. მგონია, რომ მათთან კონსენსუსი გვექნება. „თუმცა, პროცესში ბევრი დეტალი იქნება დასაზუსტებელი, მათ შორის სხვადასხვა დაფინანსების თუ გენდერული მონაწილეობის. ამიტომ, ეს უკვე მუშა პროცესი იქნება. ეს, რაც წამოვიწყეთ, მგონია, რომ უკეთესია ქვეყნის მომავლისთვის. ბოლომდე მივყვებით ამ პროცესს. „თუ რომელი პოლიტიკურ პარტიას იმისთვის, რომ დესტრუქცია განახორციელოს და ქვეყნის საწინააღმდეგო ქმედება ჩაიდინოს, არ სურს პროცესში შემოვიდეს და გარკვეულწილად კონსენსუს მიაღწიოს, ეს მისი გადასაწყვეტია. ჩვენ, როგორც მმართველი ძალა, ვიმოქმედებთ ისე, როგორც ვთვლით რომ უკეთესია ჩვენი მოსახლეობისთვის და ქვეყნის დემოკრატიული განვითარებისთვის. „ჩვენთვის მნიშვნელოვანია ამ რეფორმის ყველა დადებითი ფაქტორი მივიტანოთ მოსახლეობამდე. დარწმუნებული ვარ, დიდი წინააღმდეგობა არ წამოვა და ამ წამოწყებულ რეფორმაზე დაგვეთანხმებიან," - განაცხადა ნინო წილოსანმა”, - დასძენს გამოცემა.

"საყოველთაო-სახალხო განხილვებზე თავისუფალი დასწრების საშუალება ექნებათ ნებისმიერ დაინტერესებულ პირს. კომისია 13 წევრისგან შედგება. ესენი არიან: არჩილ თალაკვაძე, თამარ ჩუგოშვილი, ირმა ინაშვილი, სერგი კაპანაძე, ანრი ოხანაშვილი, მამუკა მდინარაძე, ოთარ კახიძე, ირაკლი კობახიძე, თინათინ ბოკუჩავა, ხათუნა გოგორიშვილი, ლევან კობერიძე, თენგიზ შარმანაშვილი და თორნიკე ჭეიშვილი. კომისიის ერთ-ერთი წევრი და დამოუკიდებელი დეპუტატი ლევან კობერიძე აცხადებს, რომ საკითხის განხილვისას ოპოზიციამ წამოაყენა საკითხი, დარბაზში ადგილების რაოდენის განსაზღვრასთან დაკავშირებით, იმისათვის, რომ ბალანსი არ დაირღვეს და შეხვედრაზე მხოლოდ მმართველი გუნდის მომხრეები არ იყვნენ წარმოდგენილი. „ამ კომისიაში ვარ დამოუკიდებელი დეპუტატების ჯგუფის წარმომადგენლის სტატუსით. ეს შეხვედრა თელავში იქნება და სავარაუდოდ 14:00 საათზე დაიწყება. საორგანიზაციო საკითხებს „ქართული ოცნების" წარმომადგენლები აგვარებენ. „როდესაც იყო შეხვედრა ამ საკითხზე, ოპოზიციის წარმომადგენლებმა დავაყენეთ საკითხი - ისე არ მოხდეს, რომ დარბაზში მხოლოდ იყოს „ქართული ოცნების" მომხრეების და ადგილობრივი ადმინისტაციული ან საჯარო სტრუქტურების წარმომადგენლები იყვნენ. წინასწარ უნდა იყოს განსაზღრული დარბაზის მოცულობა, თუ რამდენი ადამიანი ეტევა და შესაბამისად, დატოვებული იყოს ადგილები, რომ მოქალაქეთა ყველა ჯგუფეს წარმომადგენელმა შეძლოს შემოსვლა. რამდენად დაიცავენ ამ პირობას, ამას პირველივე შეხვედრა აჩვენებს. „ყველაფერი დამოკიდებული იქნება იმაზე, თუ როგორ წარიმართება პროცესი და შემდგომში ამ პროცესის შესაბამისად, რა პოზიციას დაიკავებენ პარლამენტში დეპუტატები. დამოუკიდებელი დეპუტატები პროპორციულ არჩევნებზე გადასვას მხარს უჭერენ. „საზოგადოების წარმომადგენლები არიან დეპუტატები. ეს შეხვედრებიც იმიტომ ტარდება, რომ მიიღონ შესაბამისი მოსაზრებები, მათ შორის საზოგადოების მხრიდანაც," - განუცხადა ლევან კობერიძემ „რეზონანსს.", - წერს გამოცემა.

"ანალიტიკოსი ზაალ ანჯაფარიძე აცხადებს, რომ ეს თავად მმართველი გუნდის დაპირებაა, რომ ქვეყანა ახალ საარჩევნო სისტრემაზე გადავიდეს და ამ გადაწყვეტილების შეცვლა დამოკიდებული იქნება ოპოზიციის ქმედებებზე - თუ რამდენად ეცდება ის დესტრუქციული ვითარების შექმნას ქვეყანში. „მმართველმა გუნდა პროპორციულ სისტემაზე გადასვლის ოფიციალური დაპირება გასცა. შესაბამისად, ამ დაპირების შესრულებას ელოდება არა მხოლოდ ჩვენი საზოგადოება, არამედ ჩვენი საერთაშორისო პარტიორებიც. იმ პრობლემების ფონზე, რაც დღეს არსებობს, საზოგადოებისთვის ნაკლებად მნიშვნელოვანია, თუ რა პრინციპით ჩატარდება არჩევნები. საზოგადოებაში ჩავატარეთ კვლევა ან გამოკითხვა, თუ რა ტიპის არჩევნები უნდა მას? ისე მივიღეთ გადაწყვეტილება, რომ ძალიან ფორმალურად მოხდა საზოგადების აზრის გაგება. ეს საკითხი საზოგადოებას ნაკლებად აინტერესებს, მაგრამ მეორე საკითხია, რომ „ქართულმა ოცნებამ" რაღაც მიზეზებით თავის დანაპირევზე უარი თქვას, რაც არ მგონია მოხდეს, ამას საზოაგდოებაში უარყოფითი რეაქცია ექნება. „ეს დამოკიდებული იმაზე, თუ როგორ იმოქმედებს თვითონ ოპოზიცია. ერთადერთი, რამაც შეიძლება საკუთარი გადაწყვეტილება შეაცვლევინოს მმართველ გუნდს, ის იქნება, ოპოზიცია თუ მოახერხებს ქვეყანაში რაღაც მასშტაბური დესტაბილიზაციის აგორებას და რევოლუციისთვის მზადების ხელახლა დაწყებას. ამ შემთხვეაში კონსტიტუციური ცვლილებებისთვის არავის ეცლება და სულ სხვა სიტუაცია შეიქმება. „ხელისუფლებას ასეთ შემთხვევაში გასამართლებელი საბუთი ექნება იმ კუთხით, როგორც შიდა ასევე გარე აუდიტორიასთან, რომ ოპოზიციამ არ მოინდომა დიალოგზე წამოსვლა, არ მოინდომა მიეღო ის ცვლილებები, რაც მმართველმა გუნდმა 20 ივნისი მოვლენების კვალობაზე შესთავაზა და მთელ პასუხისმგებლობა ოპოზიციას გადააკისრებს," - განაცხადა ზაალ ანჯაფარიძემ. ცნობისათვის, საკონსტიტუციო ცვლილებები 2020 წლის საპარლამენტო არჩევნებისთვის პროპორციულ სისტემაზე გადასვლას გულისხმობს. ამ საკითხზე პარლამენტში ინიცირებულია საკონსტიტუციო ცვლილებების ორი პროექტი. საპარლამენტო უმრავლესობის მიერ წარდგენილი პროექტის თანახმად, პროპორციული არჩევნები ბუნებრივი ბარიერის (0%) პირობებში ჩატარდება და უქმდება საარჩევნო ბლოკები. სხვადასხვა ოპოზიციური პარტიების მიერ დარეგისტრირებული პროექტი კი ითვალისწინებს, პროპორციულ არჩევნებს 3%-იანი ბარიერის პირობებში და საარჩევნო ბლოკების შენარჩუნებას”, - წერს სტატიის ავტორი.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით