ვაკის რაიონის გამგებლის ნოდარ ტურძელაძის ინფორმაციით, ჭავჭავაძის გამზირზე მუშის დაღუპვის შესახებ დეტალები მოგვიანებით იქნება ცნობილი, მას შემდეგ, რაც შესაბამისი უწყებები მუშაობას დაასრულებენ. მისი თქმით, დამატებითი ინფორმაცია თუ რა მოხდა ადგილზე, არ აქვს.

"ილიას უნივერსიტეტის დაკვეთით მუშაობდა კერძო კომპანია, შესაბამისად, ამას ჭავჭავაძის გამზირზე მიმდინარე სამუშაოებთან კავშირი არ აქვს. ადგილზე მობილიზებულია ყველა შესაბამისი უწყება და დეტალებზე მათი მუშაობის შემდეგ იქნება პასუხები",- განაცხადა ტურძელაძემ. ცნობისთვის, ვაკეში, ჭავჭავაძის 32 ნომერში, მიწის ჩამოშლის შედეგად მუშა დაიღუპა.