ისრაელის პრემიერ-მინისტრმა ბენიამინ ნეთანიაჰუმ არჩევნებზე მთავარ კონკურენტ ბენი განცს კოალიციური მთავრობის ჩამოსაყალიბებლად კონსულტაციებისთვის ნებისმიერ დროს შეხვედრა შესთავაზა. „ჩვენ უნდა ჩამოვაყალიბოთ ფართო ერთიანობის მთავრობა“, - განაცხადა ნეთანიაჰუმ.

სამშაბათს გამართული განმეორებითი არჩევნების შედეგად, ნეთანიაჰუს მემარჯვენე ცენტრისტული ბლოკის „ლიკუდის“ პოზიციები გაუარესდა. ხმების 97 პროცენტის დათვლის შემდეგ, მას 120 კაციან კნესეტში 31 მანდატი აქვს. სამპარტიულ მემარცხენე-ცენტრისტულ ალიანსს „კაჰოლ ლავანს“, რომელსაც ბენი განცი მეთაურობს - 33 მანდატი. ტრადიციულ მოკავშირეებთან - ულტრაორთოდოქს მემარჯვენეებთან ერთად ნეთანიაჰუს 55 მანდატის მოგროვება შეუძლია. ბენი განცს სხვა მემარცხენეებთან ერთად 57-ის. ამ მომენტისთვის არცერთ არ აქვს გარანტირებული 61 კაციანი უმრავლესობა. ძალთა განლაგებისთვის დიდი მნიშვნელობა ექნება ავიგდორ ლიბერმანის პარტიის „ჩვენი სახლი ისრაელია“ პოზიციას, რომელსაც 8 მანდატი აქვს.