ლავროვი ნავთობტერმინალებზე თავდასხმაზე - დაუსაბუთებელი ბრალდებები საქმეს არ წაადგება

დაუსაბუთებელი ბრალდებები საქმეს არ წაადგება და რეგიონში არსებულ დაძაბულობას კიდევ უფრო გაამძაფრებს, - ამის შესახებ რუსეთის საგარეო საქმეთა მინისტრმა სერგეი ლავროვმა საუდის არაბეთის ნავთობტერმინალებზე განხორციელებული თავდასხმის შესახებ კომენტირებისას განაცხადა.

მისივე თქმით, საჭიროა ინციდენტის მიუკერძოებელი და ობიექტური გამოძიება.

„საჭიროა მიუკერძოებელი და ობიექტური გამოძიება. მნიშვნელოვანია, დარწმუნებულები ვიყოთ, რომ პროცესი მიუკერძოებლად მიმდინარეობს, ვინაიდან უსაფუძვლო ბრალდებები საქმეს არ წაადგება და რეგიონში არსებულ დაძაბულობას კიდევ უფრო გაამძაფრებს,“ -აღნიშნა ლავროვმა.

14 სექტემბერს, საუდის არაბეთში, ორ ნავთობტერმინალზე დრონების მეშვეობით განხორციელებულ თავდასხმაზე პასუხისმგებლობა იემენელმა ჰუსიტებმა აიღეს. აშშ-მ თავდასხმაში ირანი დაადანაშაულა, თუმცა თეირანმა ამ ბრალდებას „უსაფუძვლო“ უწოდა.

შშ-ის სახელმწიფო მდივანმა მაიკ პომპეომ განაცხადა, რომ ნავთობტერმინალებზე განხორციელებული თავდასხმა მსოფლიოს მთავარი ნავთობექსპორტიორის წინააღმდეგ ჩადენილი საომარი ქმედებაა. მანვე აღნიშნა, რომ შეერთებული შტატები, საუდის არაბეთსა და სპარსეთის ყურის სხვა მოკავშირეებთან ერთად, საუდის არაბეთის ნავთობტერმინალებზე განხორციელებული თავდასხმის საპასუხო ქმედებების მიზნით კოალიციის შექმნის საკითხს განიხილავს.

ირანის საგარეო საქმეთა მინისტრი მუჰამედ ჯავად ზარიფი კი აცხადებს, რომ ქვეყანა თავის დასაცავად მზადაა და აშშ-ის ან საუდის არაბეთის მიერ ირანის წინააღმდეგ სამხედრო დარტყმის განხორციელება ტოტალურ ომს გამოიწვევს.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 16.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება