GWP ჭავჭავაძის გამზირზე ახალ ქსელზე გადაერთებით სამუშაოებს განახორციელებს
„ჯორჯიან უოთერ ენდ ფაუერმა“ ჭავჭავაძის გამზირის მასშტაბური პროექტის ფარგლებში, მირცხულავას ქუჩიდან თაქთაქიშვილის ქუჩამდე წყალმომარაგების სისტემა სრულად განაახლა.
როგორც „ინტერპრესნიუსს“ GWP-დან აცნობეს, პროექტის ამ ეტაპზე 2.6 კმ სიგრძის წყლისა და წყალარინების ქსელი შეიცვალა. წყალმომარაგების განახლებულ სისტემაზე ევროსტანდარტის ჩამკეტ-მარეგულირებელი ურდულები, სახანძრო ჰიდრანტები და საკვანძო ჭები მოეწყო. „ჯორჯიან უოთერ ენდ ფაუერმა“ აღნიშნული მონაკვეთის რეაბილიტაციისთვის 3.8 მილიონი ლარის ინვესტიცია განახორციელა.
„ჯივიპი“, დღეს, 20 სექტემბერს წყალმომარაგების ახალი ქსელის ექსპლუატაციაში შესვლის სამუშაოებს ახორციელებს. სამუშაოების ჩასატარებლად აუცილებელია მაგისტრალური ქსელის წყლისგან დაცლა, რის გამოც, დღეს, 20 სექტემბერს 10:00 საათიდან 21 სექტემბრის 10:00 საათამდე წყალმომარაგება შეეზღუდება: ვაკის რაიონში: ჭავჭავაძის გამზირის ნაწილს, რამიშვილის, თაქთაქიშვილის,არაყიშვილის, მოსაშვილისა და მიმდებარე ქუჩებს. ასევე, აბაშიძის, ფალიაშვილისა და რაზმაძის ქუჩების ნაწილს,“ - ნათქვამია ინფორმაციაში.
v-if="article.gallery" v-html="article.gallery"
