დავით ნარმანიას განცხადებით, ბუნებრივი გაზის ტარიფების ზრდასთან დაკავშირებით „რაიმე სახის განსაკუთრებული მოლოდინი არ არსებობს“

სემეკ-ის წევრის და კომისიის თავმჯდომარეობის კანდიდატის დავით ნარმანიას განცხადებით, ბუნებრივი გაზის ტარიფების ზრდასთან დაკავშირებით რაიმე სახის განსაკუთრებული მოლოდინი არ არსებობს.

როგორც ნარმანიამ ჟურნალისტებს განუცხადა, ბუნებრივი გაზის სექტორის მიმართულებით კომპანიებს უწევთ ტარიფების გადახედვა, თუმცა მის ხელთ არსებული ინფორმაციით, ტარიფის ზრდა მოსალოდნელი არაა.

„ბუნებრივი გაზის სექტორის მიმართულებით კომპანიებს უწევთ ტარიფების გადახედვა, თუმცა ჩემ ხელთ არსებული ინფორმაციით და ამ ეტაპზე არსებული მდგომარეობით, ზრდასთან დაკავშირებით რაიმე სახის განსაკუთრებული მოლოდინი არ არსებობს. ეს არის ბუნებრივი პროცესი, როცა სემეკ-ის შესაბამისი სამსახურები აკეთებენ განაცხადების შეფასებას, კალკულაციას და ამის შემდეგ მოგვიანებით იქნება საკითხი ცნობილი, თუმცა რაღაც განსაკუთრებული ზრდა, ჩემი აზრით, მოსალოდნელი არ არის", - განაცხადა ნარმანიამ.

რაც შეეხება ელექტროენერგიის ტარიფებს, ნარმანიას განცხადებით, ამ მიმართულებით ტარიფების გადახედვა არ იგეგმება, რადგან ელექტროენერგიის ტარიფები სამი წლის ვადით არის დადგენილი.

ცნობისთვის, დღეს პარლამენტის დარგობრივი ეკონომიკისა და ეკონომიკური პოლიტიკის კომიტეტმა დავით ნარმანიას კანდიდატურას სემეკ-ის თავმჯდომარის თანამდებობაზე მხარი დაუჭირა.

იხილეთ ვიდეო

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა