ბრიტანეთის პარლამენტი მუშაობას დღეს განაახლებს
დიდი ბრიტანეთის პარლამენტი დღეს მუშაობას განაახლებს. შესვენება 25 ოქტომბრამდე აღარ გაგრძელდება. ამ გადაწყვეტილების საფუძველი გაერთიანებული სამეფოს უმაღლესი სასამართლოს გუშინდელი გადაწყვეტილება გახდა, რომლის თანახმადაც, პრემიერ ბორის ჯონსონის მიერ პარლამენტის მუშაობის დროებითი შეჩერების უფლების გამოყენება უსაფუძვლოდ და უკანონოდ იქნა მიჩნეული. პრემიერ-მინისტრი ბორის ჯონსონი ასეთი მარცხის მიუხედავად, გადადგომაზე უარს ამბობს.
პარლამენტის დეპუტატები „ბრექსითის“ განხორციელების ვადებზე, პირობებზე და თვით ევროკავშირიდან გამოსვლის მიზანშეწონილებაზე ვერ თანხმდებიან. პარლამენტში მთავრობისადმი ნდობის გამოცხადების საკითხი კენჭისყრაზე უახლოეს დღეეში დადგება. ბრიტანეთის ევროკავშირიდან გასვლის თარიღის გადავადება, ახალი არჩევნები და შესაძლოა ახალი რეფერენდუმიც უახლოეს თვეებში შეიძლება ჩატარდეს.
ამ ინფორმაციას „ბი-ბი-სი“ ავრცელებს.
იხილეთ ვიდეო: დიდი ბრიტანეთის პარლამენტი დღეს მუშაობას განაახლებს
This is a modal window.
v-if="article.gallery" v-html="article.gallery"
