ცოფთან ბრძოლის დღესთან დაკავშირებით, ცხოველთა ვაქცინაცია 10 მისამართზე ჩატარდება

ცოფთან ბრძოლის საერთაშორისო დღესთან დაკავშირებით, 28 სექტემბერს, ცხოველთა მონიტორინგის სააგენტო შინაური ცხოველების ანტირაბიულ (ცოფის ვირუსის საწინააღმდეგო) ვაქცინაციას, დედაქალაქის მასშტაბით, 10 მისამართზე ჩაატარებს.

თბილისის მერიის ინფორმაციით, ცხოველების მეპატრონეებს, მიმკედლებლებსა და დაინტერესებულ მოქალაქეებს შესაძლებლობა ექნებათ ცხოველებს ანტირაბიული აცრა უფასოდ ჩაუტარონ.

„სააგენტოს ავტომობილი მისამართებზე შემდეგი განრიგის მიხედვით მივა: ვარკეთილი, მედიათეკის სკვერი, ჯავახეთის ქუჩისა და საქართველოს ერთიანობისთვის მებრძოლთა ქუჩების კვეთა - 8:30-10:00 სთ, ავლაბარი, ლეხ კაჩინსკის სახელობის სკვერი (ლეხ კაჩინსკის ქუჩა N11-ის მიმდებარედ) – 10:30-12:00 საათი, ორთაჭალა, კრწანისის ქუჩა N7, კრწანისის სკვერი - 12:30 -14:00 სთ, ქვემო ფონიჭალა, რუსთავის გზატკეცილი N267-ის მიმდებარე სკვერი (პლიციასთან) – 15:00-16:30 სთ, მეტროსადგურ ღრმაღელესა და სანზონის N1 კორპუსს შორის მდებარე სკვერი - 17:30-19:00 სთ, ია კარგარეთელის ქუჩა N133/11, ჯანსუღ კახიძის სახელობის ბაღის შესასვლელთან - 8:30-10:00 სთ, მ. კოსტავას 37, ვერის ბაღის შესასვლელთან - 10:30-12:00 სთ, ბუკიას ბაღი - 12:30-14:00 სთ, ა. ბელიაშვილის ქუჩა N1, ბრატისლავას სახელობის სკვერი- 15:00-16:30 სთ, გლდანი, მე-6 მიკრორაიონი, მე-7 და მე-20 კორპუსებს შორის მდებარე პარკი. (ძაღლების გასასეირნებელ სივრცესთან) - 17:30-19:00 სთ“, - აღნიშნულია თბილისის მერიის მიერ გავრცელებულ ინფორმაციაში.