არჩილ თალაკვაძე - წიგნებს შევადარებდი ნეირონებს,  ის აკავშირებს ჩვენს წარსულსა და მომავალს

წიგნებს შევადარებდი ნეირონებს. წიგნები ძალიან ჰგავს მათ. ის აკავშირებს ჩვენს წარსულსა და მომავალს, - ამის შესახებ პარლამენტის თავმჯდომარემ არჩილ თალაკვაძემ „საქართველოს ბეჭდური და ელექტრონული გამოცემების რეგისტრაციის ცენტრის“ გახსნისას განაცხადა.

ამასთან, მან დამსწრეებს სიტყვით მიმართა და აღნიშნა, რომ მნიშვნელოვანია ეროვნულ ბიბლიოთეკაში უფრო მეტი ადამიანი მივიდეს.

"ყველას გვჯერა, რომ ბიბლიოთეკაში არის პასუხები ბევრ კითხვაზე, რომლებიც ჩვენ საზოგადოებას სხვადასხვა სივრცეში გვაწუხებს. იქნება ეს პარლამენტი, იქნება ეს საჯარო სივრცეები, საერთაშორისო ფორმატები, უნივერსიტეტები თუ სხვა პლატფორმები, სადაც ვმსჯელობთ, თუ რა უნდა იყოს ჩვენი მომავალი, ბედნიერების საფუძველი, რომელია ყველაზე სწორი გადაწყვეტილება, როგორ უნდა ავაწყოთ ჩვენი სექტორები განათლებაში, რეგიონებში, ინფრასტრუქტურაში, საგარეო მიმართულებით. ბევრ ამ კითხვაზე პასუხები სწორედ იქაა, სადაც ჩვენ ახლა ვიმყოფებით. ამიტომ მნიშვნელოვანია, რომ მეტი მოქალაქე მოვიდეს და მეტმა მოქალაქემ წაიკითხოს წიგნები, ის პასუხები, რაც წიგნებში წერია. მე წიგნებს შევადარებდი ერთგვარად ნეირონებს. წიგნები ძალიან ჰგავს ნეირონებს და ის აკავშირებს ჩვენს წარსულსა და მომავალს. აკავშირებს ინფორმაციას, რომელიც უკვე შექმნილია იმ ინფორმაციასთან, რომელიც მომავალში უნდა შეიქმნას. რაც მთავარია, ამისი შუამავალი არის ადამიანი, ვინაიდან მის გარეშე ვერც წიგნები ვერ იქნება," - განაცხადა არჩილ თალაკვაძემ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო