ადა მარშანია - ჟენევაში არ იქნება სერიოზული და არც არასერიოზული პოზიტივი, სანამ არ დაიწყება ფართომასშტაბიანი კონტაქტები რუსეთის ფედერაციის პირველ პირებთან

ჟენევაში არ იქნება სერიოზული და არც არასერიოზული პოზიტივი, სანამ არ დაიწყება ფართომასშტაბიანი კონტაქტები რუსეთის ფედერაციის პირველ პირებთან. ეს სულაც არ ნიშნავს იმას, რომ პირისპირ დავრჩებით რუსეთთან და რუსეთი დაგვახრჩობს და შეგვჭამს, - ამის შესახებ „პატრიოტთა ალიანსის“ წევრმა, დეპუტატმა ადა მარშანიამ ჟურნალისტებს განუცხადა.

მისი თქმით, ჟენევის მოლაპარაკებების პარალელურად პირდაპირი დიალოგია საჭირო. დეპუტატი ამბობს, რომ შეხვედრის ინიციატივაც რომ ქართული მხრიდან მოდიოდეს, ამაში დასაძრახი არაფერია და როგორც იქნა, ეს გაიაზრა „ქართულმა ოცნებამაც“.

„ჩვენ უნდა ვიყოთ ინიციატორები იმ ქვეყანასთან დიალოგის, რომელმაც ეს ყველაფერი დაგვმართა. რატომ არის ეს დასამალი? თუ ეს იყო ჩვენი ინიციატივა კარგია, ჭკვიანურია, როგორც იქნა გაიაზრა „ქართულმა ოცნებამ“. ცხადია, ეს არ იქნებოდა ბიძინა ივანიშვილის თანხმობის გარეშე. ამაში დარწმუნებული ვარ“, - განაცხადა ადა მარშანიამ.

მისივე თქმით, საჭიროა ასევე, ე.წ. ბორდერიზაციის მიზეზები შეისწავლონ. როგორც ადა მარშანიამ განაცხადა, ამასთან დაკავშირებით „პატრიოტთა ალიანსი" ინიციატივას წარადგენს. მისივე თქმით, ახლა დეტალებზე ვერ ისაუბრებს, თუმცა, ეს „სერიოზულად უნდა განიხილონ შინაურულად და შემდეგ საგარეო პოლიტიკით უშველონ ამ საკითხს."

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს