აუდიტის სამსახურის საქმიანობის 2018 წლის ანგარიშის განხილვა პარლამენტის პლენარულ სხდომაზე თითქმის ცარიელ დარბაზში მიმდინარეობდა. გენერალური აუდიტორის მიერ გასული წლის ანგარიშის წარდგენას 40-მდე დეპუტატი ესწრებოდა.
ფრაქციების ფორმატში გამოსვლისას „ევროპული საქართველოს“ წევრმა ზურაბ ჭიაბერაშვილმა ხაზი გაუსვა, რომ ასეთი მნიშვნელოვანი დოკუმენტი ცარიელ დარბაზში არ უნდა იხილებოდეს, რაზეც პარლამენტის თავმჯდომარემ უპასუხა, რომ ოპოზიციის ფლანგი უფრო ცარიელია, ვიდრე საპარლამენტო უმრავლესობის.