უკრაინაში სპეცოპერაციის დროს მოკლული შოთა ჭიჭიაშვილი საქართველოში ჩამოასვენეს

უკრაინაში სპეცოპერაციის დროს მოკლული შოთა ჭიჭიაშვილი საქართველოში ჩამოასვენეს. თბილისის საერთაშორისო აეროპორტიდან ახლობლებმა ჭიჭიაშვილი მშობლიურ სოფელ მატანში ცოტა ხნის წინ, მამიდის სახლში გადაასვენეს.

ოჯახის წევრებს მომხდარის დეტალებზე საუბარი უჭირთ.

შოთა ჭიჭიაშვილი 2 ოქტომბერს, უკრაინაში სპეცოპერაციის დროს მოკლეს.

შოთა ჭიჭიაშვილის სახელს უკავშირდება არაერთი ხმაურიანი საქმე, მათ შორის მისი გვარი ფიგურირებდა ბრიტანელი ბიზნესმენის პიტერ შოუს გატაცებაში. ასევე ჭიჭიაშვილის სახელს უკავშირებდნენ პეტრე ცისკარიშვილისა და მისი საცოლის გატაცებას 2001 წელს.

ჭიჭიაშვილის სახელი და გვარი გაისმა 2001 წლის „მუხროვანის სამხედრო ამბოხებასთან“ დაკავშირებით, თუმცა ზუსტი ინფორმაცია ამ საკითხზე არ არსებობს.

ჭიჭიაშვილის გვარი გაჟღერდა ასევე დეპუტატ გივი თარგამაძის მანქანის აფეთქების საქმეში.

2001 წელს ჭიჭიაშვილზე საქართველოში ძებნა გამოცხადდა, რის შემდეგაც მან საქართველოს ტერიტორია დატოვა და საცხოვრებლად მოსკოვში გადავიდა. ორი წლის შემდეგ ჭიჭიაშვილი მოსკოვში დააპატიმრეს. 2004 წელს ჭიჭიაშვილი ქართულ მხარეს გადმოსცეს. სასამართლომ ჭიჭიაშვილს სახელმწიფოს წინააღმდეგ მიმართული დანაშაულებისთვის და ტერორისტული საქმიანობისთვის 22-წლიანი პატიმრობა მიუსაჯა. საბოლოოდ, ჭიჭიაშვილმა საპატიმრო ვადიდან 7 წელი მოიხადა.

2013 წლის ივნისს ჭიჭიაშვილი საყოველთაო ამნისტიის საფუძველზე გათავისუფლდა. ამის შემდეგ იგი საცხოვრებლად უკრაინაში გადავიდა.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს