კოსოვოს ვადამდელ არჩევნებში ოპოზიციურმა პარტიებმა მემარცხენე ნაციონალისტურმა Vetevendosje-მ (თვითგამორკვევა) და „კოსოვოს დემოკრატიულმა ლიგამ“(LDK) გაიმარჯვეს. ამ დროისთვის დათვლილია ხმების თითქმის 96%. აღსანიშნავია, რომ ორივე პარტია მხარს უჭერს სერბეთთან ურთიერთობას მოლაპარაკებების გზით.
კოსოვოს დემოკრატიული პარტია, რომელიც აქამდე მმართველი ძალა იყო, მესამე ადგილზე გავიდა.
კოსოვოში ვადამდელი საპარლამენტო არჩევნები მას შემდეგ დაინიშნა, რაც ივლისში თანამდებობიდან გადადგა პრემიერ-მინისტრი რამუშ ჰარადინაჯი. გადადგომას წინ უძღოდა მისი დაბარება ჰააგის ტრიბუნალში. ტრიბუნალი იძიებს, თუ რა როლს ასრულებდა ჰარადინაჯი, როგორც „კოსოვოს განთავისუფლების არმიის“ მეთაური სერბეთთან ომის დროს.
ინფორმაციას „რადიო თავისუფლება“ ავრცელებს.