ჟან-კლოდ იუნკერი თურქეთს მოუწოდებს, სირიაში ოპერაცია შეწყვიტოს

ევროპული კომისიის პრეზიდენტი ჟან-კლოდ იუნკერი თურქეთს მოუწოდებს, სირიაში თავისი სამხედრო ოპერაცია შეაჩეროს. ამის შესახებ მან ევროპარლამენტში გამოსვლისას განაცხადა.

„მოვუწოდებ თურქეთს, ასევე სხვა მონაწილეებს, იმოქმედონ თავშეკავებულად და შეწყვიტონ ოპერაცია, რომელიც, ვიდრე ჩვენ აქ ვსაუბრობთ, უკვე მიმდინარეობს. შეჭრა გააძლიერებს სამოქალაქო მოსახლეობის ტანჯვას, რომლის სიტყვით აღწერაც შეუძლებელია“ ,- განაცხადა იუნკერმა.

მისი თქმით, თუკი თურქეთის გეგმა ითვალისწინებს ე.წ. უსაფრთხოების ზონის შექმნას, „ასეთ შემთხვევაში, ნუ დაელოდებით, რომ ევროპის კავშირი ამისთვის გადაიხდის“.

მან ხაზგასმით აღნიშნა, რომ სირიის კონფლიქტთან დაკავშირებით მდგრადი გადაწყვეტილების მიღწევა შესაძლებელია მხოლოდ ნამდვილი პოლიტიკური გადასვლის გზით.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა