დავით ბაქრაძე - სამწუხაროა, რომ მიხეილ სააკაშვილისგან საფუძვლიანი კრიტიკის საპასუხოდ ისევ ტალახის სროლა გვესმის

სამწუხაროა, თუ მიხეილ სააკაშვილს დღემდე ასეთი რეაქცია აქვს განსხვავებულ აზრზე და საფუძვლიანი და თემატური კრიტიკის საპასუხოდ გვესმის ისევ ტალახის სროლა,- ამის შესახებ "ევროპული საქართველოს" ერთ-ერთმა ლიდერმა დავით ბაქრაძემ მიხეილ სააკაშვილის განცხადების საპასუხოდ აღნიშნა.

მისივე თქმით, მათი პარტიის ინტერესშია, რომ ოპოზიცია ერთიანი იყოს.

"როგორც ჩანს, ეს განცხადებები გამოწვეული იყო გიგა ბოკერიას კრიტიკით „ნაციონალური მოძრაობის“ და მიხეილ სააკაშვილის მიმართ. სამწუხაროა, თუ მიხეილ სააკაშვილს დღემდე ასეთი რეაქცია აქვს განსხვავებულ აზრზე და საფუძვლიანი და თემატური კრიტიკის საპასუხოდ გვესმის ისევ ტალახის სროლა, ცილისწამება და ბრალდებები. კიდევ ერთხელ განვამარტავ ჩვენს პოზიციას: ოპოზიციას სჭირდება ერთიანობა და ეს იქნება გადამწყვეტი ხელისუფლების დამარცხებაში.ივანიშვილის ინტერესია გამოაჩინოს პროცესები ისე, თითქოს საქართველოში არის ორი არჩევანი: ივანიშვილი და სააკაშვილი და სწორედ ამ ორი არჩევანის პირობებში აპირებს მოგებას, ამიტომ მოსახლეობამ უნდა იცოდეს, რომ არჩევანი არის ბევრად მეტი, ესაა სრული ოპიზიციური სპექტრი და ამ სპექტრში გამორჩეული ადგილი უჭირავს "ევროპულ საქართველოს,"- განაცხადა დავით ბაქრაძემ.

შეგახსენებთ, საქართველოს ყოფილმა პრეზიდენტმა მიხეილ სააკაშვილმა „ევროპული საქართველო“ კიდევ ერთხელ გააკრიტიკა და „ფეისბუქზე“ სტატუსი ასეთუ ფორმულირებით დაწერა: - "გამარჯვება „ქოცებზე“ და „ევრო- ქოცებზე“ მალე საქართველოში".

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო