საქართველო-ბრიტანეთს შორის არსებული „უორდროპის სტრატეგიული დიალოგის“ საპარლამენტო განზომილების ფარგლებში მხარეებმა ერთობლივი კომუნიკე მიიღეს

საგარეო ურთიერთობათა კომიტეტის თავმჯდომარემ სოფიო ქაცარავამ და დეპუტატმა ირაკლი ბერაიამ დიდ ბრიტანეთში ვიზიტის ფარგლებში „უორდროპის სტრატეგიული დიალოგის საპარლამენტო“ განზომილების ფარგლებში დიდი ბრიტანეთის პარლამენტში საქართველოს საკითხებზე პარტიათაშორისი საპარლამენტო ჯგუფის ხელმძღვანელთან, ჯონათან ჯანოგლისთან და ჯგუფის წევრებთან შეხვედრა გამართეს. ამის შესახებ „ინტერპრესნიუსს“ საქართველოს პარლამენტიდან აცნობეს. შეხვედრის შემდეგ მხარეებმა ერთობლივი კომუნიკე მიიღეს.

კომუნიკეში დადებითად არის შეფასებული ქართულ-ბრიტანული სტრატეგიული პარტნიორობის განვითარება, რომელიც დაფუძნებულია საერთო ღირებულებებსა და ინტერესებზე, ასევე იმ გამოწვევებზე რომლის წინაშეც ორივე ქვეყანა დგას.

ბრიტანეთს დელეგაციამ, საქართველოს პროგრესს აქტიური რეფორმების დღის წესრიგის შესრულების მიმართულებით, მაღალი შეფასება მისცა.

მხარეებმა მიმოიხილეს საქართველოს ოკუპირებულ ტერიტორიებზე ბოლო დროს განვითარებული მოვლენები, ჰუმანიტარული და ადამიანის უფლებების დაცვის კუთხით იქ არსებული მძიმე ვითარება. დიდი ბრიტანეთის დელეგაციამ კიდევ ერთხელ დაადასტურა მხარდაჭერა კონფლიქტების მშვიდობიანი გადაჭრის მიმართ.

„შეხვედრაზე განვიხილეთ საქართველო-დიდ ბრიტანეთს შორის არსებულ ორმხრივი ურთიერთობების ყველა ძირითადი მიმართულება. აღინიშნა ნატო-საქართველოს დინამიური და არსებითად გაძლიერებული თანამშრომლობა. შეხვედრაზე ხაზი გაესვა თანამშრომლობის საპარლამენტო ფორმატის მნიშვნელობას და საპარლამენტო დიპლომატიის შემდგომი გაღრმავების პერსპექტივებს“, - განაცხადა დიდი ბრიტანეთისა და ჩრდილოეთ ირლანდიის გაერთიანებული სამეფოს პარლამენტთან მეგობრობის ჯგუფის ხელმძღვანელმა, სოფიო ქაცარავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს